उत्तर कोरियाद्वारा जापानको समुद्री क्षेत्रमा ‘सबमरिन–लञ्चड् ब्यालेस्टिक मिसाइल’ प्रहार

उत्तर कोरिया । उत्तर कोरियाले ‘सबमरिन–लञ्चड् ब्यालेस्टिक मिसाइल’ प्रहार गरेको छ । उत्तर कोरियाले जापानको समुद्री क्षेत्रमा ब्यालेस्टिक मिसाइल प्रहार गरेको दक्षिण कोरियाको सेनाले जनाएको छ ।

गएको जनवरीमा उत्तर कोरियाले सार्वजनिक गरेको सो मिसाइल अहिले परीक्षण गरेको हो । उसले आफ्नो सो मिसाइल विश्वकै शक्तिशाली हतियार भनेका थियो ।

दक्षिण कोरियाले केही हप्ता पहिले सोही प्रकृतिको हतियार सार्वजनिक गरेको थियो ।

उत्तर कोरियाले पछिल्लो केही हप्तामा निरन्तर मिसाइल परीक्षण गरिरहेको छ । यसरी परीक्षण गरिएका हतियारमा हाइपरसोनिक र लामो दूरीमा मारहान्न सक्ने मिसाइल पनि थिए ।

केही परीक्षणहरुले अन्तर्राष्ट्रिय प्रतिबन्धको उल्लंघन गरेका छन् । संयुक्त राष्ट्रसंघले ब्यालेस्टिक मिसाइल परीक्षण प्रतिबन्ध लगाएको छ ।