काठमाडौं । उत्तर कोरियाका सर्वोच्च नेता किम जोङ उनले दक्षिण कोरियासँगको सम्बन्धमा सुधारको लागि हटलाइन सेवा पुनः सुरु गर्न तयार रहेको बताएका छन् ।
उत्तर कोरियाको संसद्को वार्षिक सत्रमा बोल्दै किम जोङ उनले यस्तो बताएका हुन् । यसअघि उत्तर कोरियाले गत अगष्टमा अमेरिकासँगको दक्षिण कोरियाको सैन्य अभ्यासको कारण देखाउँदै हटलाइन सेवा बन्द गरेको थियो ।
संसद्मा बोल्दै उनले अमेरिकाले उत्तर कोरियाप्रति ‘शत्रुतापूर्ण नीति’ नबदलेको आरोप लगाएका छन् । उनले उक्त नीति परिवर्तन नगरी वार्ताको प्रस्ताव गरिएको उल्लेख गरेका छन् ।
उत्तर कोरियाको केसीएनएले किम जोङ उनलाई उद्धृत गर्दै भनेको छ, ‘अमेरिका राजनीतिक समन्वयको कुरा गरिरहेको छ तर यो अन्तर्राष्ट्रिय समुदायलाई धोका दिने र आफ्नो शत्रुतापूर्ण कामलाई लुकाउने चाल हो । यो अमेरिकी प्रशासनद्वारा लगातार अपनाउँदै आएको शत्रुतापूर्ण नीतिकै विस्तार हो ।’
यद्यपि किम जोङ उनले दक्षिण कोरियासँग भने शान्तिको सशर्त प्रस्ताव गरेका छन् । समाचारमा बताइएअनुसार उनले अक्टोबरअगाडि नै हटलाइन सेवा सुरु गर्ने इच्छा व्यक्त गरेका छन् । तर, अब यो दक्षिण कोरियाले यस विषयमा देखाउने व्यवहारमा निर्भर गर्नेछ ।
एजेन्सीहरुको सहयोगमा
प्रतिक्रिया दिनुहोस
एजेन्सी
विहीबार, १४ असोज २०७८, १२ : २२
लेखकबाट थप
सम्बन्धित समाचारहरु
उत्तर कोरियाको चेतावनीः अमेरिका–दक्षिण कोरिया सैन्य अभ्यासले ‘महँगो मूल्य’ चुकाउनु पर्छ
उत्तर कोरियाले योनप्योङ टापुतर्फ २०० राउण्ड फायर गरेपछि...
उत्तर कोरियाले सन् २०२४ मा थप तीनवटा जासुसी उपग्रह प्रक्षेपण गर्ने
उत्तर कोरिया अब विश्वलाई प्रहार गर्नसक्ने सैन्य क्षमताले सुसज्जित छ : किम
उत्तर कोरियाली हतियार रुसलाई हस्तान्तरण भएकामा जी–७ ले गर्यो निन्दा
नेपालस्थित दूतावास बन्द गर्ने उत्तर कोरियाको निर्णय