नेपाली काँग्रेसको सभापतिको आकांक्षी देखिएका तीन नेताबीच भेटवार्ता

काठमाडौँ । नेपाली काँग्रेसको आसन्न चौधौं महाविवेशनमा सभापतिको आकांक्षी देखिएका तीन नेताबीच शुक्रबार भेटवार्ता भएको छ । उपसभापति विमलेन्द्र निधि, महामन्त्री डा शशांक कोइराला र नेता प्रकाशमान सिंहबीच भेटवार्ता भएको हो । 

भेटमा तीन नेताबीच छलफललाई निरन्तरता दिने र सभापति पदका आकाँक्षी अन्य नेताहरुसंग पनि सहमतिमा नेतृत्व चयनका विषयमा छलफल गर्ने सहमति भएको सिंहका प्रेस सहयोगी यूपी लामिछानेले जानकारी दिए । 

यस्तै महाधिवेशनका विषयमा उत्पन्न आशंकाहरुलाई मध्यनजर गरेर निर्धारित मितिमै महाधिवेशन सम्पन्न गर्न आआफ्नो ठाउँबाट भुमिका खेल्ने सहमति समेत भएको छ । 

यस्तै  सरकारलाई चाँडो पूर्णता दिँदै गठबन्धन सरकारलाई जनउत्तदायी भएर काम गर्न आग्रह समेत तीन नेताले गरेका छन् । यस्तै उनीहरुले सरकारलाई सफल बनाउन पार्टीका तर्फबाट भूमिका खेल्ने प्रतिबद्धता पनि जनाएको लामिछानेले बताए ।