एमालेको केन्द्रिय कमिटी बैठक बस्दै, विधान महाधिवेशन लक्षित प्रतिवेदन माथि छलफल हुने

काठमाडौँ ।  नेपाल कम्युनिष्ट पार्टी (एमाले) को केन्द्रीय कमिटी बैठक आज र भोलि बस्दैछ । आज सुरु हुने बैठक ललितपुरको च्यासलस्थित तुलसीलाल स्मृति भवनमा बिहान ११ बजेदेखि सुरु हुनेछ।

बैठकमा पार्टीको विधान महाधिवेशनका लागि स्थायी कमिटीले पारित गरेका तीनवटा प्रतिवेदनमाथि छलफल हुने एमालेले जनाएको छ। बैठकले ती प्रतिवेदन पारित गर्ने स्थायी समितिको निर्णय अनुमोदनसमेत गर्ने एमाले केन्द्रीय कार्यालयले जनाएको छ।

एमालेको विधान महाधिवेशन यहीं असोज १५, १६ र १७ गते काठमाडौंको गोदावरीमा हुँदैछ। त्यसको लागि पार्टी स्थायी कमिटीले राजनीतिक, सांगठनिक र विधान संशोधनसम्बन्धी प्रस्ताव पारित गरिसकेको छ।