काठमाडौं । एमालेबाट छुट्टिएर माधव नेपालको नेतृत्वमा गठन भएको नेकपा एकीकृत समाजवादी र जीवन राई अध्यक्ष रहेका नेकपा एकीकृतबीच एकीकरणको प्रस्ताव अघि बढेको छ । समाजवादीका नेता राजेन्द्र पाण्डेले नेकपा एकीकृतका अध्यक्ष जीवन राईसमक्ष पार्टी एकताको प्रस्ताव राखिसकेका छन् ।
एमाले विवादको बेला माधव नेपाल समूहमा रहेका राईले त्यसबेला नेपालसहितका नेताहरुकै सल्लाहमा निर्वाचन आयोगमा नेकपा एकीकृत दर्ता गराएका थिए । अनेरास्ववियुको उपाध्यक्षमा पराजित भएपछि पार्टीको राजनीतिमा लागेका उनी माधव नेपाल निकट मानिन्छन् । नेकपा एकीकृतको चुनाव चिन्ह कलम छ । नेकपा एसले चुनाव चिह्न कलमसहित जीवन राईसँग एकीकरण गर्न प्रस्ताव गरेको छ ।
नेकपा एसको जारी केन्द्रीय कमिटी बैठमा पार्टीको नाम समेत परिवर्तन गर्ने विषय उठेको छ । नेकपा एकीकृत समाजवादी अप्ठेरो हुने भन्दै एकीकृतमात्र राख्ने र जीवन राईलाई पार्टीमा उपयुक्त जिम्मेवारी दिनेबारे समेत नेताहरुबीच छलफल चलेको स्रोतले जनाएको छ । नेकपा एसका प्रचार विभाग प्रमुख जगन्नाथ खतिवडाले जारी केन्द्रीय कमिटी बैठकमा चुनाव चिन्हकाम विभिन्न विकल्पहरु प्रस्तुत भएको बताए । पार्टीको नामका बारेमा पनि कुराहरु आएको तर कुनै निर्णय नभएको उनको भनाइ छ ।
यता नेकपा एकीकृतका अध्यक्ष जीवन राईले भने आफू समक्ष पार्टी एकीकरणका लागि औपचारिक प्रस्ताव नआएको बताए । अनौपचारिक रुपमा आफू पनि हिजो एमालेमै रहेको र अहिले दुवै पक्षमा नरहे पनि माधव नेपाल निकट भएकाले विभिन्न ढंगले कुरा हुनु स्वभाविक रहेको बताए ।
राईले भने–माधव कमरेडसँग कुरा भएको छैन । अहिले म एमालेमा पनि छैन,नेकपा एकीकृत समाजवादीमा पनि छैन ।
स्रोतका अनुसार जीवन राईले नेकपा एसमा केन्द्रीय सदस्यको सुनिश्चितता खोजेका छन् । राईलाई केन्द्रीय सदस्य बनाउन नेताहरु पनि सकारात्मक छन् । संखुवासभा घर भएका राई विद्यार्थी आन्दोलनबाट स्थापित जुझारु नेता हुन् ।
प्रतिक्रिया दिनुहोस
सफल खबर संवाददाता
विहीबार, ०७ असोज २०७८, ०९ : ५९
लेखकबाट थप
सम्बन्धित समाचारहरु
हामी दक्षिणपन्थी अवसरवादको विरुद्धमा छौं : माधव नेपाल
गठबन्धन कतिन्जेल टिक्छ भन्न सकिँदैन : माधव नेपाल
माधव नेपाल र ज्ञानेन्द्र शाहीले गरे फिल्ममा अभिनय (तस्वीरहरू)
'चाडपर्वले आपसी सद्भाव बढाउछ : अध्यक्ष नेपाल
एमालेसँगको हिजोको राजनीतिक कटुतालाई बिर्सिएर अघि बढ्न खोज्दैछौँ : माधव नेपाल
प्रधानमन्त्री र अध्यक्ष चाहिएको छैन, सबै कम्युनिष्टहरूलाई मिलाउँछौँ : माधव नेपाल