काठमाडौँ । नेकपा (एमाले) का महासचिव र्ईश्वर पोखरेलको निर्वाचन क्षेत्र काठमाडौँ क्षेत्र नं ५ मा भ्रातृ सङ्गठनका कमिटी सक्रिय हुन थालेका छन् ।
महासचिव पोखरेलले एमाले निकट नेपाल खेलकुद महासङ्घ, अखिल नेपाल महिला र युवा सङ्घ नेपालको काठमाडौँ महानगरपालिका–५ का पदाधिकारी तथा सदस्यसँग भेटघाट गरी पार्टीलाई एकताबद्ध बनाउँदै गतिविधि सक्रिय तुल्याउन आग्रह गरे ।
उहाँले नेता माधवकुमार नेपालको नेतृत्वमा पार्टी विभाजनमा नलागी सङ्गठनको काममा लागेर आगामी निर्वाचनको तयारीमा जुट्न निर्देशन दिए ।
सो भेटमा पार्टीका केन्द्रीय सदस्य एवं प्रदेशसभा सदस्य नारायण सिलवाल, संविधानसभा सदस्य रत्ना गुरुङ, युवा सङ्घका केन्द्रीय सदस्य प्रेम दाहाल, वडा कमिटी अध्यक्ष वीरेन्द्र प्रजापति, स्थानीय नेता गणेश श्रेष्ठलगायतको उपस्थिति थियो ।
नेता सिलवालको संयोजकत्वमा पुनर्गठित जनवर्गीय सङ्गठनको भेला आयोजना गरिएको हो । प्रदेशसभा सदस्य सिलवालले सबै किसिमका सहयोगका लागि आफू तयार रहेको बताए ।
प्रतिक्रिया दिनुहोस
रासस
मंगलबार, १५ भदौ २०७८, २१ : ३०
लेखकबाट थप
सम्बन्धित समाचारहरु
एमाले रसुवाका अध्यक्षमा जनार्दन ढकाल सर्वसम्मत
गण्डकीमा एमालेका २ मन्त्री थप
एमालेको बर्दिया अधिवेशन : श्रेष्ठ र अधिकारीको छुट्टाछुट्टै प्यानल
इलाम २ मा एमालेका सुहाङका अग्रता कायमै
एमाले उम्मेदवारलाई पछि पार्दै बझाङमा कांग्रेसको अग्रता
बझाङमा एमालेको सुरुवाती अग्रता