लुम्बिनीलाई विकासको नमुना प्रदेश बनाउँछु : मुख्यमन्त्री केसी

बुटवल । लुम्बिनी प्रदेशका नवनियुक्त मुख्यमन्त्री कुलप्रसाद केसीले लुम्बिनी प्रदेशलाई विकासको नमुना बनाउने प्रतिबद्धता गरेका छन् । 

विकास, लोकतन्त्र र संघीयतालाई व्यवहारमै कार्यान्वयनमा लैजाने उनको भनाइ थियो । प्रदेशसभामा अहिलेसम्म देखिएका संवैधानिक र कानुनी अड्चन फुकेको बताउँदै उनले भने, ‘छोटो समय छ तर नमुना काम गर्नेछु ।’

उनको समयावधि जम्मा ८ महिना छ । ८ महिनापछि कांग्रेसबाट मुख्यमन्त्री बन्नेछन् । माओवादी केन्द्र र कांग्रेसबीच ८-८ महिना आलोपालो गर्ने गरी सहमति भएको छ । उनका अनुसार गठबन्धनले साझा कार्यक्रम बनाएर परिवर्तनमुखी काम गरिनेछ ।