एजेन्सी । जलवायु परिवर्तन विरुद्ध प्रभावकारी कदमको माग गर्दै अष्ट्रेलियाको राजधानी क्यानबेरामा प्रदर्शन भएको छ ।
संसद भवन र प्रधानमन्त्री स्कट मौरसिनको निवास अगाडि प्रदर्शनमा उत्रिएका आठ जनालाई प्रहरीले नियन्त्रणमा लिएको अन्तर्राष्ट्रिय सञ्चारमाध्यमहरुले जनाएका छन् ।
_20231127105311.gif)
प्रदर्शनकारीहरुले संसद भवन अघि बच्चालाई राखेर हिंड्ने सामानमा आगजनी गर्दै विरोध जनाएका थिए । अष्ट्रेलियाका प्रधानमन्त्री मौरिसनले यो घटनाको निन्दा गरेका छन् ।
उनले उक्त विरोध प्रदर्शनको क्रममा ‘विध्वंस’ मच्चाउने काम भएको बताएका छन् । प्रदर्शनकारीले भने सरकारले आफ्ना नागरिकलाई जलवायु परिवर्तनको समस्याबाट बचाउन नसकेको भन्दै आलोचना गरेका छन् ।
उनीहरुले आफूहरुको कार्यको जिम्मेवारी लिने र त्यसको नतिजा भोग्न तयार रहेको बताएका छन् । प्रदर्शनकारीहरुले अहिलेको सरकारलाई बालबालिकाको संरक्षण गर्नुपर्छ भन्ने ज्ञान पनि नभएको भन्दै आलोचना गरेका छन ।
प्रतिक्रिया दिनुहोस
एजेन्सी
बुधबार, २७ साउन २०७८, १२ : १९
लेखकबाट थप