शंकर पोखरेलले राजीनामा नदिने स्वास्थ्य मन्त्रीको दाबी, संसदको सामना गर्ने

काठमाडौं । लुम्बिनी प्रदेशका मुख्यमन्त्री शंकर पोखरेलले मुख्यमन्त्रीबाट राजीनामा नदिई प्रदेश सभाको सामना गर्ने भएका छन् । उनले बिहान क्याबिनेट बैठक राखेर राजीनामा नदिर्इ संसदको फेस गरेर जाने बताएका हुन् ।

हामीले किन राजीनामा दिने, संसदमा जाने, जे आईपर्छ, त्यसको सामना गरेर जाने हो, राजीनामा दिएर हिडने कुरा छैन, मुख्यमन्त्रीको भनार्इ उदधृत गर्दै एक मन्त्रीले भने । लुम्बिनी प्रदेशका स्वास्थ्य मन्त्री भोज प्रसाद श्रेष्ठले पनि मुख्यमन्त्रीले राजीनामा नदिने बताए ।

उनले भने, –‘मुख्यमन्त्रीले राजीनामा दिनुहुन्न, जे पर्छ सम्वैधानिक प्रक्रिया अनुसार संसदमै सामना गर्नुहुन्छ, संसदको प्रक्रियामा सहभागी हुन्छौं ।’ क्याबिनेट बैठक पछि अहिले एमाले संसदीय दलको बैठक चलिरहेको छ । दलको बैठकले पनि अब प्रक्रियाको सामना गरेर जाने विषयमा छलफल गर्ने बताईएको छ । अहिले दलको बैठक बसिरहेको छ ।