विराटनगरमा अवैध भारतीय र अमेरिकी डलर सहित दुईजना पक्राउ

मोरङ । विराटनगरमा अवैध भारतीय रुपैंया र अमेरिकी डलर सहित दुईजना भारतीय नागरिक पक्राउ परेका छन् । उनीहरुलाई विराटनगर–१७ बाट प्रहरीले पक्राउ गरेको हो । 

जिल्ला प्रहरी कार्यालय मोरङबाट खटिएको प्रहरी टोलीले भारत उत्तर प्रदेश लखनउ का ३४ वर्षीय अतुल कुमार र ३५ वर्षीय सन्दिप सिंह रोयलाई भारतीय र अमेरिकन डलरसहित नियन्त्रणमा लिएको हो ।

 प्रहरीका अनुसार शुक्रबार साँझ  भारतबाट नेपाल तर्फ आउँदै गरेका उनीहरूको साथबाट भारतीय नोट ५०० को २०० थान १ लाख र सन्दिप सिंह रोयको साथबाट भारतीय नोट ५०० को २१७ थान १ लाख ८ हजार ५ सय, अमेरिकन नोट १०० को २१ थान,२० को ५ थान,१० को १ थान , र १ को ४ थान  सहित उनीहरूलाई  नियन्त्रणमा लिएको हो ।