कस्तो रहला आजको मौसम ?

काठमाडौं । हाल मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ ।  जसका कारण देशभर सामान्य देखि पूर्ण बदली  रही प्रदेश १, गण्डकी प्रदेश, बागमती प्रदेश  र  सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको महाशाखाको भनाइ छ।

महाशाखाले सोमबार दिउँसो देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको जनाएको छ।  यस्तै प्रदेश १, गण्डकी , लुम्बिनी  तथा सुदुरपश्चचिम प्रदेशका थोरै स्थानहरुमा मेघगर्जनसहित भारी वर्षाको  सम्भावना रहेको छ ।

साथै सुदूरपश्चिम प्रदेशका एक  दुई स्थानहरुमा धेरै भारी वर्षाको सम्भावना रहेको छ । यसैगरी राति  देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको छ।