काँग्रेस सभापति देउवाले बोलाए पार्टी शीर्ष नेताहरुको बैठक

काठमाडौं । नेपाली कांग्रेसका शीर्ष नेताहरुको बैठक आज बस्दै छ । पार्टी सभापति शेरबहादुर देउवाले शीर्ष नेताहरुको बैठक पार्टी कार्यालय सानेपामाबोलाएका हुन् ।

आज दिउँसो २ बजे बस्ने बैठकमा पार्टीको आसन्न महाधिवेशनको तयारी र क्रियाशील सदस्य विवादका बारेमा छलफल हुने नेताहरुले बताएका छन् । महाधिवेशन नजिकिदैं गएपनि कांग्रेस अझै क्रियाशील सदस्यतामै अल्झिरहेको छ ।

क्रियाशील सदस्यताको विषयमा तीव्र विवाद देखिएको छ । क्रियाशील सदस्यताको टुंगो लगाउन रमेश लेखक संयोजक रहेको छानबिन समिति बनाईएको छ ।  कांग्रेसको १४ औं महाधिवेशन भदौ १६ देखि १९ गतेसम्म काठमाडौंमा सम्पन्न गर्ने गरी कार्यतालिका सार्वजनिक गरिएको छ ।