पर्सामा चट्याङ लागेर तीन जनाको मृत्यु

वीरगन्ज । पर्सामा चट्याङ लागेर मंगलबार तीन जनाको मृत्यु भएको छ ।

चट्याङ लागेर सखुवाप्रसौनी गाउँपालिकाका दुई जना र जिराभवानी गाउँपालिकाका एक जनाको मृत्यु भएको होप्रहरी नायब उपरीक्षक ओमप्रकाश खनालका अनुसार सखुवाप्रसौनी गाउँपालिका– ४ देवरवाना निवासी ५५ वर्षीय रघुवीर यादवको बिहान ७ बजेतिर चट्याङ लागेर मृत्यु भएको हो ।

यस्तै गदियानीका २७ वर्षीय रोसुला गदीको पनि चट्याङ लागेर मृत्यु भएको डीएसपी खनालले जनाए । गदीसँगै रहेका राजबली गदी गम्भीर घाइते भएका छन् । उनलाई उपचारका लागि वीरगन्ज पठाइएकोजनाएको छ । 

यस्तै अर्की जिराभवानी– ३ जितपुर बस्ने ५० वर्षीय असुतरनीदेवी थरुनीको चट्याङ लागेर मृत्यु भएको हो ।