महाधिवेसनको मैदानमा खडा भएका देउवाको सक्रियता, अन्य दावेदार मौन

सफल खबर संवाददाता

आइतबार, ०६ असार २०७८, १० : ११
महाधिवेसनको मैदानमा खडा भएका देउवाको सक्रियता, अन्य दावेदार मौन

काठमाडौं । फेरि पनि पार्टी सभापतिको उम्मेदवार बन्ने तयारीमा छन् कांग्रेस सभापति शेरबहादुर देउवा । कांग्रेसको चौधौँ महाधिवेसनको लागि उनी भिड्न मैदानमा उत्रिसकेका छन् । मैदानमा उत्रेका देउवाले सातै प्रदेशमा आफूनिकटका केन्द्रीय सदस्यसँग छलफल गरिसकेका छन् । प्रदेश १ का केन्द्रीय सदस्यसँग छलफल गरेपछि प्रदेश २ का केन्द्रीय सदस्यसँग छलफल गरे । 

CG Developers Tansen Cement box

सभापतिको लागि देउवा मैदानमा उत्रेपछि यतिबेला अन्य सभापतिका दावेदारहरु मौन बसेका छन् । सभापतिका दावेदार बनेका विमलेन्द्र निधि र देउवाबीच सवालजवाफ भएको थियो । देउवा अझै एक पटक सभापतिमा उठेर पार्टी सबैभन्दा ठूलो पार्टी बनाउने कुरा राख्दा निधि आफू पनि सभापतिको उम्मेदवार बन्ने र तपाइँललाई प्रधानमन्त्रीमा सघाउने कुरा देउवालाई भनेका थिए । 

यसअघि प्रदेश १ र २ का नेताहरुसँग छलफल गरेका देउवाले अहिले बागमती प्रदेशका नेताहरुसँग छलफल गरिरहेका छन् । बुढानीलकण्ठस्थित देउवा निवासमा जारी छलफलमा कृष्णप्रसाद सिटौला पक्षका नेता शिव हुमागाइँ पनि सहभागी भएका छन् । 

बागमती प्रदेशका नेताहरुसँग छलफल सकेर आइतबारै गण्डकी प्रदेशका नेताहरुसँग छलफल गर्ने तयारी रहेको सभापति देउवाको सचिवालयले जनाएको छ । देउवा मैदानमा यसरी उत्रेसक्दा पनि सभापतिको दावेदार विमलेन्द्र निधि, शेखर कोइराला, कृष्णप्रसाद सिटौलालगायतका नेता भने मौन छन् । 

हालसम्मको छलफलमा देउवाले आसन्न १४औं महाधिवेशनमा आफू उम्मेदवार बन्ने भन्दै धेरैभन्दा धेरै महाधिवेशन प्रतिनिधि जुटाउन आग्रह गर्दै आएका छन् । नेपाली काँग्रेसको १४औं महाधिवेशन आगामी भदौ १६ गतेदेखि १९ गतेसम्म निर्धारण गरिएको छ ।
पार्टीलाई फेरि सशक्त बनाएर संविधान र लोकतन्त्र गरी १५ औं महाधिवेशनमा नेतृत्व हस्तान्तरण गर्ने देउवाको भनाइ थियो । पार्टीको विधानले पनि दुई कार्यकाल सभापति हुन पाउने व्यवस्था गरेको देउवाले स्मरण गराएका थिए ।

देउवाले अब आफू महाधिवेशनको मैदानमा उत्रिएको सन्देश दिने गरी छलफललाई अगाडि बढाएका छन् । उनले एक दिनमा दुई वटा प्रदेशमा आफू निकट नेतासँग आन्तरिक छलफलको नीति लिएका छन् । शनिबार बिहानको छलफलमा उपसभापति विजयकुमार गच्छदार, सहमहामन्त्री सुनिल थापा, केन्द्रीय सदस्यहरु ज्ञानेन्द्रबहादुर कार्की, भीष्मराज आङदम्बे, डा। डीला संग्रौला, मीन विश्वकर्मा, सीता गुरुङल, बाबुराम बस्नेत, सुजाता परियारलगायतका सहभागी थिए ।


 

प्रतिक्रिया दिनुहोस