आजको मौसम : अधिकांश स्थानमा भारी वर्षाको अनुमान

सफल खबर संवाददाता

मंगलबार, ०१ असार २०७८, ०७ : ५६
आजको मौसम : अधिकांश स्थानमा भारी वर्षाको अनुमान

काठमाडौं । हाल देशभर मनसुनी वायुको प्रभाव रहेको र जसका कारण देशका धेरै स्थानमा वर्षाको सम्भावना रहेको जल तथा मौसम पूर्वानुमान महाशाखाले जनाएको छ । 

महाशाखाका अनुसार हाल देशभर सामान्यदेखि पूर्ण बदली रही गण्डकी, लुम्बिनी प्रदेश,  र सुदुरपश्चिम प्रदेशका केही र बाँकी प्रदेशका थोरै स्थानहरुमा हल्का देखि मध्यम वर्षा भईरहेको छ । यस्तै प्रदेश २ को थोरै स्थानमा मेघगर्जनसहित वर्षा भइरहेको छ। 

महाशाखाका अनुसार मंगलबार दिनभर  देशभर सामान्यदेखि पूर्ण बदली रही धेरै  स्थानहरुमा मेघगर्जनसहित हल्कादेखि मध्यम वर्षाको सम्भावना रहेको छ।  यस्तै प्रदेश २, बाग्मती प्रदेश, गण्डकी प्रदेश, लुम्बिनी प्रदेश तथा कर्णाली प्रदेशका केही स्थानहरुमा भारी बर्षाको समेत सम्भावना छ ।

प्रतिक्रिया दिनुहोस