कांग्रेसबाटै यसकारणले पाएनन् मुख्यमन्त्री त्रिलोचन भट्टले विश्वासको मत

काठमाडौँ । सुदूरपश्चिम प्रदेशमा नेपाली कांग्रेसले मुख्यमन्त्री त्रिलोचन भट्टलाई विश्वासको मत दिएको छैन । नेपाली कांग्रेसको विश्वासको मत नदिइकन तटस्थ बसेको थियो ।

कांग्रेस संसदीय दलको बैठकले मुख्यमन्त्री भट्टको सरकार ढल्न नदिने तर विश्वासको मत पनि नदिने निर्णय गरेको थियो ।

१२ जना सांसद रहेको कांग्रेस मुख्यमन्त्री भट्टले राखेको विश्वासको मतको प्रस्तावमा मतदान नगरी तटस्थ बसेको छ । 

यद्यपी मुख्यमन्त्री भट्टले विश्वासको मत जुटाएका छन्। ५१ जना सांसद उपस्थित भएकोमा मुख्यमन्त्री भट्टको पक्षमा ३० सांसद समर्थनमा रहेका थिए। 

नेकपा एमालेको केपी शर्मा ओली पक्षका ७ र जसपाका २ गरी ९ सांसदले भने मुख्यमन्त्रीलाई विश्वासको मत दिएनन्। एमालेको माधवकुमार नेपाल पक्षका १७ सांसदले मुख्यमन्त्रीलाई विश्वासको मत दिएका छन्।