प्रधानमन्त्री ओलीको सत्ता जोगाउन किन धाँउछन् यि नेताहरु दिनदिनै लैनचौर ?

काठमाडौं । प्रधानमन्त्री केपी ओलीले भनेको, बोलेको गर्न लागेको आफु अनुकुल भएन, भएन, गर्न दिर्ईएन भने उनले जे पनि गर्न सक्छन् भन्ने पछिल्लो राजनितिक घटनाक्रमले स्पष्ट पारेको छ । राष्ट्रवादको नारा दिएर सत्तासिन भएको उनै ओलीका कारण हुँदाखाँदाको दुई तिहाई जनमत प्राप्त नेकपालाई विर्सजन गराए । त्यति मात्रैले उनलाई पुगेनन्, दुई दुई पटक प्रतिनिधिसभाको विघटन समेत गरिदिए । संविधानलाई फेल गराउने उद्येश्यले कहिले आफैले विघटन गरे भने कहिले राष्ट्रपतिलाई अगाडी सारेर विघटन गर्न लगाए । 

देशलाई राजनितिक भुमरीमा पारेका उनै ओलीका सहयोगीहरु अझैं एक, डेढ वर्ष बचेको प्रधानमन्त्रीको कार्यकाल कसरी बचाउन सकिन्छ भन्नेमा केन्द्रित भएर शक्तिकेन्द्र धाउन थालेका छन् । त्यसका लागि सहयोगीका पात्र बनेका छन् जसपाका नेताद्धय महन्थ ठाकुर र राजेन्द्र महत्तो । र त्योसँगै आफ्नै पार्टीका गोकूल बाँस्कोटा, महेश बस्नेत, राजन भट्टराई । जानकारहरुका अनुसार दोश्रो पटक प्रतिनिधीसभा राष्ट्रपतिले विघटन गरेसँगै महेश बस्नेत, गोकूल बाँस्कोटा, महन्थ ठाकुर र राजेन्द्र महत्तो हरेक दिन जसो लैनचौर स्थित भारतीय दूतावास पुग्ने गरेका छन् ।

लैनचौरमा उनीहरुको गफगाफ नै ओली सरकार टिकाइदिनमा केन्द्रित हुने गरेको छ । विश्वस्त स्रोतका अनुसार एक दिनमा उनीहरुले चार पटकसम्म लैनचौर छिरेको रेकर्ड छ । फरक फरक नम्बर प्लेटका गाडीमा चढेर उनीहरु लैनचौर पुग्ने र खुफिया एजेन्सी ‘रअ’ का नेपाल प्रमुखसँग बसेर यही विषयमा वार्तालाप गर्दै कहिले खाना र कहिले खाजा खाएर फर्कने गरेका छन् । बाहिर होटल तथा अन्यत्र भेट्दा हल्ला बढी हुने भन्दै उनीहरुले नियमित जसो नै लैनचौर जाने रुटिङ नै बनाएका छन् । 

विश्वस्त स्रोतका अनुसार पछिल्लो एक सातामा मात्रै महन्थ ठाकुर र राजेन्द्र महत्तो ११ पटक लेनचौर छिरेका छन् । यस्तै, गोकूल बाँस्कोटा, महेश बस्नेत, राजन भट्टराई समेत भएर सात पटक लैनचौर छिरेका छन् । लैनचौर छिरेर उनीहरुले को कोसँग भेटे ? के के विषयमा कुराकानी गरे भन्ने बारेमा राजनितिक बृतमा यसबारे चर्चा परिचर्चा समेत हुन थालेको छ । यसबारेमा बुझ्न खोज्दा वार्ताकार भनिएका एमाले सम्बद्ध नेताहरु कोई पनि सम्पर्कमा आउन चाहदैनन् । 

विश्वस्त स्रोतका अनुसार पछिल्लो एक सातामा मात्रै महन्थ ठाकुर र राजेन्द्र महत्तो ११ पटक लेनचौर छिरेका छन् । यस्तै, गोकूल बाँस्कोटा, महेश बस्नेत, राजन भट्टराई समेत भएर सात पटक लैनचौर छिरेका छन् । लैनचौर छिरेर उनीहरुले को कोसँग भेटे ? के के विषयमा कुराकानी गरे भन्ने बारेमा राजनितिक बृतमा यसबारे चर्चा परिचर्चा समेत हुन थालेको छ । यसबारेमा बुझ्न खोज्दा वार्ताकार भनिएका एमाले सम्बद्ध नेताहरु कोई पनि सम्पर्कमा आउन चाहदैनन् । 

श्रोतका अनुसार लैनचौरमा उनीहरुले जसरी भएपनि ओली सरकार टिकाइदिन, त्यसका लागि आफूहरुले के के गरिदिनुपर्ने हो, त्यो स्पष्टसँग भनिदिन अनुरोध गर्ने गरेका छन् । प्रतिनिधिसभा पुनः स्थापना हुनसक्ने भएकाले सांसद खरिद बिक्रीका लागि मोटो रकम उपलब्ध गराइदिन आलापविलाप गर्ने गरेका छन् । त्यसमा पनि प्रधानमन्त्री ओलीले आग्रह गरेको भन्दै उनीहरुले भनाई राख्ने गरेका छन् । 

लैनचौर जाने कडीमा जसपा, एमालेका नेता मात्र नभई पछिल्लो पटक नेपाली काँग्रेसका नेता अमरेशकुमार सिंह पनि सात पटक लैनचौर पुगेका छन् । यस्तै, काँग्रेसकै अर्का नेता प्रदीप गिरी र डा. नारायण खड्का समेत लैनचौर छिरेको जानकारहरुको भनाइ छ । पार्टीमा समेत प्रभाव राख्न सक्ने यि नेताहरु किन लाजै नमानेर लैनचामा छिरिरहेका छन् भन्ने कुरा भने प्रष्ट रुपमा सार्वजनिक हुन सकेको छैन ।  जब जब नेपालको राजनीति धमिलो हुन थाल्छ, तब तब, विदेशीको प्रभाव नेपालमा बढ्न थाल्छ ।

पछिल्ला दिनमा नेकपा विघटन भइसकेपछि विशेष गरी भारतीय र अमेरिकन प्रभाव बढेको छ । किनकी, अमेरिकालाई एमसिसी पास गराउनुछ भने भारतलाई आफनो हित विपरित बनाइएको संविधान खारेज गराउनुछ ।  यही स्वार्थमा विदेशीले नेपाललाई खेल मैदान बनाएका छन् । आफ्नो स्वार्थ पुरा गर्न गराउनकै लागि नेताहरु जे पनि गर्न सक्छन् भन्ने कुरा नेपालको ईतिहासमा धरैपहिले देखि चल्दै आएको हो । त्यसको कडी पछिल्लो केही वर्ष यता रोकिएको हो कि भान हुँदै गर्दा अहिले फेरी नेपाल विदेश प्रभुको ईशाराबाट चलाउन खोजिएको देखिन्छ । पञ्चायतकालमा कम्युनिस्ट पार्टी दरबारमा बुझाउने रायमाझीसँगै अहिले प्रधानमन्त्री ओलीलाई तुलना गर्न थालेका छन् । 

सयौं जनताको बलिदानीबाट प्राप्त अहिलेको राजनीतिक परिवर्तन भताभुङ पारेर, हिन्दु राष्ट्र र राजतन्त्र फिर्ता ल्याउने योजनाका साथ प्रधानमन्त्री ओली र उनको समूह यतिबेला विदेशीको योजनामा परिचालित भएको तथ्य क्रमशः स्थापित हुँदै गएको जानकारहरुको टिप्पणी छ । जनताको संघर्ष र बलिदानबाट स्थापित भएका सबै परिवर्तनका कार्यसूची धुमिल पार्न भइरहेको षड्यन्त्रलाई चक्नाचुर पार्न सम्पूर्ण परिवर्तनकामी शक्ति पुनः एक जुट भएर प्रतिरोध गर्नु जरुरी भएको धेरैले बताउन थालेका छन् ।