जिप दुर्घटना हुँदा २ जनाको घटनास्थलमै मृत्यु

दैलेख ।  दैलेखको दुल्लु नगरपालिका ३ स्थित कर्णाली राजमार्ग स्याँलामा जिप दुर्घटना हुँदा २ जनाको घटनास्थलमै मृत्यु भएको छ । 

जुम्लाबाट सुर्खेततर्फ आउँदै गरेको बा २० च ७१५ नम्बर जिपको ब्रेक फेल भै आज बिहान सडकबाट पाँच सय मिटर तल खस्दा उक्त दुर्घटना भएको जिल्ला प्रहरी कार्यालय दैलेखले जनाएको छ ।

प्रहरी कार्यालयका अनुसार दुर्घटनामा परि जुम्लाको गुठीचौर गाउँपालिका ४ का ३८ वर्षिय जिप चालक रामहरी न्यौपाने र सोही ठाउँकी २७ वर्षीया राज्यलक्ष्मी न्यौपानेको मृत्यु भएको छ ।