भारतमा २४ घंटाको अन्तरालमा थपिए ४ लाख १२ हजार नयाँ कोरोना संक्रमित, ३७ सय बढीको मृत्यु

एजेन्सी । भारतमा कोरोनाको दोस्रो लहर नियन्त्रण बाहिर हुँदै गइरहेको देखिएको छ । यहाँ बुधबार रेकर्ड ४ लाख १२ हजार ३७३ संक्रमित भेटिएका छन् । यो एक दिनमा भेटिएको संक्रमितको सबैभन्दा धेरै संख्या हो । 

नयाँ संक्रमितका साथै मृत्युदरमा पनि वृद्धि हुन थालेपछि मानिसहरु चिन्तामा पर्न थालेका छन् । भारतमा गएको २४ घंटामा ३,९७९ जनाको मृत्यु भएको छ ।

यस्तै, पछिल्लो २४ घण्टामा यहाँ ३ लाख ३० हजार ५२५ मानिसहरु कोरोनामुक्त भएका छन् । भारतको केन्द्र तथा राज्य सरकारले कोरोना संक्रमण रोकथामका प्रयासहरु जारी राखेपनि संक्रमणको दर भने दिन प्रतिदिन बढ्दै गएको छ ।