पछिल्लो २४ घंटामा भारतमा थपिए ३ लाख ८२ हजार जना कोरोना संक्रमित, ३७ सय बढीको मृत्यु

एजेन्सी । कोरोनाको हटस्पट बनेको भारतमा पछिल्लो २४ घण्टामा ३ लाख ८२ हजार ८४७ नयाँ संक्रमित थपिएका छन् । प्रदेश देखि केन्द्र सरकारले यसको चेन ब्रेक तोड्न विभिन्न रोकथामका प्रयासहरु जारी राखेपनि संक्रमितको संख्या दिनप्रति दिन ३ लाख बढी थपिने गरेको छ ।

३ दिन यता नयाँ संक्रमितमा गिरावट आइरहेकोमा मंगलबार पुनः नयाँ संक्रमितको आँकडामा वृद्धि देखिएको छ । भारतमा पछिल्लो २४ घण्टामा ३ लाख ८२ हजार ८४७ नयाँ व्यक्तिमा कोरोना पुष्टि भयो ।

त्यस्तै यता कोरोनाकै कारण  पछिल्लो २४ घण्टामा यहाँ ३,७८३ व्यक्तिको मृत्यु भएको छ । यो एकै दिन भएको मृत्युको सर्वाधिक संख्या हो । यस्तै, पछिल्लो २४ घण्टामा ३लाख ३७ हजार व्यक्ति संक्रमणमुक्त भएका छन् ।