भारतमा कोरोना संक्रमण झनै तिब्र, २४ घंटामा करिब २ लाख ७४ हजार नयाँ संक्रमित थपिए

काठमाडौं । भारतमा बितेको पछिल्लो २४ घण्टामा भारतमा २ लाख ७३ हजार ८१० जनामा कोरोना संक्रमण भएको छ । विश्व स्वास्थ्य संगठनको तथ्यांक अनुसार सोही अवधीमा १ हजार ६ सय १९ कोरोना संक्रमितको मृत्यु भएको हो । 

भारतमा हालसम्म कोरोनाका कारण ज्यान गुमाउनेको संख्या एक लाख ७८ हजार ७६९ पुगेको छ । कोरोना संक्रमितको संख्या १ करोड ५० लाख ६१ हजार ९१९ पुगेको तथ्यांक छ ।  भारतमा पछिल्लो केही दिन यता तीव्र गतिमा कोरोना संक्रमण फैलिरहेको छ ।

हरेक दिन भारतमा कोरोना संक्रमणले नयाँ रेकर्ड कायम गर्दै गएको छ । कोरोना उच्च जोखिम रहेका ठाउँमा लकडाउन तथा भिडभाड नियन्त्रणका लागि करप्mयु  लगाए पनि कोरोना संक्रमण र मृत्यु बढ्ने क्रम रोकिएको छैन । भारतको महाराष्ट्र, उत्तर प्रदेश तथा दिल्ली राज्यमा सबैभन्दा बढस् संक्रमित थपिएका हुन् ।