अमेरिकाले रुसीमाथि नयाँ प्रतिबन्ध लगाउने

अमेरिका । अमेरिकाले रुसमाथि नयाँ प्रतिबन्ध लगाउने भएको छ । सन् २०२० को राष्ट्रपति चुनावमा दखल दिनका लागि गरेको प्रयास तथा साइबर आक्रमणलाई लिएर अमेरिकाले रुसमाथि प्रतिबन्ध लगाउने तयारी गरेको हो ।

अमेरिकाले रुसमाथिको नयाँ प्रतिबन्ध बिहीबार नै आउने सम्भावना रहेको जनाइएको छ । प्रतिबन्धमा ३० भन्दा बढि रुसी संस्था–संगठन तथा अमेरिकामा रहेका कम्तीमा १० रुसी अधिकारीलाई निष्काशन गर्नेसहित हुनेछ ।

निशानामा कूटनीतिज्ञहरु पनि रहने बताइन्छ ।

राष्ट्रपति जो बाइडेनले अमेरिकी वित्तिय संस्थालाई आउँदो जुनदेखि रुसबाट रुबल डेनोमिनेटेड बोण्डस खरिद गर्न प्रतिबन्ध लगाउने गरि कार्यकारी आदेश समेत आउने सम्भावना छ ।

अमेरिका–रुस सम्बन्ध अहिले उच्च तनावको अवस्थामा रहेका बेला प्रतिबन्ध आउन लागेको हो।