जङ्गली हात्तीको आक्रमणबाट चितवनमा एक महिलाको मृत्यु

चितवन । जङ्गली हात्तीको आक्रमणबाट चितवनमा एक महिलाको मृत्यु भएको छ ।  भरतपुर महानगरपालिका–१३ उजेलीनगरकी ५० वर्षीया तीलमाया भुजेलको हात्तीको आक्रमणबाट ज्यान गएको हो ।  

इलाका प्रहरी कार्यालय गीतानगरले आइतबार बिहान भाग्नेक्रममा हात्तीको आक्रमणबाट महिलाको मृत्यु भएको जनाएको छ । हात्तीले घर भत्काउन थालेपछि ती महिला घरबाट निस्केर भाग्ने कोशिस गरेकी थिइन् । हात्तीले   तीनवटा घर पूर्णरूपमा क्षति पुर्याएको छ । घरका अन्य सदस्यहरु भागेका थिए ।