ओली समूहलाई ‘छुलिया ग्यांङ’ को संज्ञा दिँदै योगेश भट्टराईको प्रतिक्रिया : ‘पूर्वनिर्धारित राष्ट्रिय भेला तोकिएको स्थान र समयमा हुने

काठमाडौं । एमालेका झलनाथ खनाल–माधव नेपाल पक्षका प्रचार विभाग प्रमुख योगेश भट्टराईले पूर्वनिर्धारित राष्ट्रिय भेला तोकिएको स्थान र समयमा हुने बताएका छन् । 

सामाजिक संजाल फेसबुकमा आफ्नो धारणा व्यक्त गर्दै उनले ओली समूहलाई ‘छुलिया ग्यांङ’ को संज्ञा दिँदै भ्रममा नपर्न अपील गरेका हुन् । उनले लेखेका छन्–‘‘छुलिया ग्यांङको कुप्रचारको भ्रममा नपर्नु होला । नेकपा एमालेको आज र भोलिको राष्ट्रिय भेला तोकिएको समय र स्थानमा हुनेछ ।’ 

संस्थापन पक्षले पार्टीको तर्फबाट कुनै भेला नराखेको भनेर विज्ञप्ति जारी गरेपनि उनले यो प्रतिक्रिया व्यक्त गरेक हुन् । खनाल–नेपाल समूहले प्रधानमन्त्री केपी ओलीको कार्यशैलीविरुद्ध ललितपुरमा राष्ट्रिय भेलाको आयोजना गरेको छ । यता प्रधानमन्त्री एवं एमालेका अध्यक्ष केपी शर्मा ओलीले कुनै पनि गुटको भेलामा सहभागी नहुन र भएमा कारवाही गर्ने उदघोष गरेका छन् ।