वीरगञ्ज । १९ वर्षिया युवतीलाई जर्बजस्ती करणी गरेको आरोपमा वीरगञ्जबाट दुईजना युवालाई पक्राउ गरेको छ । पक्राउ परेका युवाहरुले विवाहको प्रलोभनमा युवतीलाई जबरजस्ती करणी गरेका हुन् । पक्राउ पर्नेमा वीरगञ्ज महानगरपालिका–३१ कटगेनवाका २२ वर्षका अनिल कुशवाहा र सखुवा प्रसौनी गाउँपालिका–५ बलुवा टोलका १८ वर्षे रोशन कुमार यादव रहेका छन् ।
पक्राउ परेका कुशवाहाले १९ वर्षकी युवतीलाई २० वर्ष पुगेपछि बिहे गर्ने भन्दै जबरजस्ती कारणी गरेको प्रहरीले जनाएको छ । उनले युवतीलाई विवाह गर्छु भनी विश्वास दिलाउन २०७६ फाल्गुन १६ गते छेका (इनगेजमेन्ट) समेत गरेका थिए । त्यस पश्चात कुशवाहाले पटक–पटक करणी गरेको आरोप छ । उनले हाल अर्कै महिलासँग विवाह गरेका छन् ।
बिहे गर्ने प्रलोभन देखाइ आफ्नी छोरीलाई जबरजस्ती करणी गरेको कसूरमा कारबाही गरि पाऊँ भनि पीडित युवतीका बुवाले प्रहरीमा जाहेरी दिएपछि कुशवाहालाई पक्राउ गरिएको पर्साका प्रहरीले जनाएको छ । यस्तै बलात्कारको आरोपमा पक्राउ परेका सखुवा प्रसौनी गाउँपालिका ५ बालुवा टोल निवासी यादवले १६ वर्षकी किशोरीलाई गत फागुन ८ गते राति १० बजेको समयमा पीडितको घरमै गएर विवाह गर्छु भनि ललाइफकाई जबरजस्ती करणी गरेको प्रहरीले जनाएको छ ।
उनले किशोरीलाई भारतको गोरखपुर लगी डेरामा राखेर पटक–पटक करणी गरेको आरोप छ । पीडित किशोरीको परिवार तथा प्रहरीले खोजी गरिरहेको थाहा पाए पछि यादवले किशोरीलाई घर पठाइ दिएका थिए । किशोरीका बुवाले यादवविरुद्ध प्रहरीमा जाहेरी दिए उनलाई घरबाट नै पक्राउ गरेको हो ।
यसैबिच पर्साको पटेर्वा सुगौली गाउँपालिकाकी महिलालाई जबर्जस्ती कारणी गर्न खोज्ने युवकलाई पनि प्रहरीले पक्राउ गरेको छ । पक्राउ पर्नेमा सोही गाउँपालिका–४ अकुवा टोल बस्ने १९ वर्षका युवक अभिषेक दास थारु रहेका छन् ।
प्रतिक्रिया दिनुहोस
सफल खबर संवाददाता
शनिबार, २९ फागुन २०७७, ०९ : ४५
लेखकबाट थप
सम्बन्धित समाचारहरु
बलात्कार आराेपमा एकजना पक्राउ
बालिकालाई बलात्कार गरेको आरोपमा ४९ वर्षका पुरुष पक्राउ
किशोरीलाई होटलमा लगेर बलात्कार गरेको आरोपमा युवक पक्राउ
नसाको तालमा बालकले गरे बालिकालाई बलात्कार
छोराको हत्या र छोरीको बलात्कार आरोप लागेका बुबा पक्राउ
नाबालिग छात्रालाई बलात्कार गरेको आरोपमा प्रधानाध्यापकसहित दुई शिक्षक प्रकाउ