प्रतिबन्धित पार्टी नेकपा विप्लव समूहसँग चाँडै वार्ता हुन्छ: प्रधानमन्त्री ओली

सफल खबर संवाददाता

आइतबार, १६ फागुन २०७७, १६ : १४
प्रतिबन्धित पार्टी नेकपा विप्लव समूहसँग चाँडै वार्ता हुन्छ:  प्रधानमन्त्री ओली

झापा । प्रधानमन्त्री केपी शर्मा ओलीले प्रतिबन्धित नेकपा विप्लव समूहसँग चाँडै वार्ता गर्ने बताएका छन् । आइतबार झापामा नेपाल–चीन मैत्री औद्योगिक पार्क शिलान्यास समारोहलाई सम्बोधन गर्दै प्रधानमन्त्री ओलीले सो कुरा बताएका हुन् । 

Yeti Diistillery Tansen Cement box

‘तपाईंहरुलाई खुशीको खवर छ । अब शान्तिको सम्बन्धमा अलिअलि समस्या रहेको ठानिएको विप्लव समूहको समस्याको पनि हामी छिट्टै वार्ताद्वारा समाधान गर्नेर्छौ’, प्रधानमन्त्री ओलीको भनाई छ । 

उनले भने, ‘तपाईंहरुले घर बसिबसिकन समस्या समाधानको भव्य कार्यक्रम टेलिभिजनबाट देख्नुहुनेछ ।’ सो क्रममा प्रधानमन्त्री ओलीले ५ बर्षभित्र नेपाल विकासशिल राष्ट्रको सूचीमा पर्ने पनि बताए ।