झाँक्रीलाई पक्राउ गरेपछि गगन थापाको आक्रोश : सत्यको पक्षमा बोल्ने मुख त्रासले बन्द हुँदैन

काठमाडौं । नेकपा प्रचण्ड–माधव समूहकी नेतृ रामकुमारी झाँक्री पक्राउ परेकी छन् । प्रहरीले उनलाई राज्यविरुद्धको कसुर अन्तर्गत पक्राउ पूर्जी बुझाएर काडमाडौँको शंखमूलस्थित उनकै निवासबाट बिहीबार अपराह्न करिब १ बजे पक्राउ गरेको हो ।

उनलाई पक्राउ गरेपछि सामाजिक सञ्जालमा नेपाली कांग्रेसका नेता गगन थापाले आपत्ति जनाएका छन् । नेता थापाले कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? भन्दै प्रश्न गरेका छन् ।  उनले सामाजिक सञ्जालमा भनेका छन्,  ‘उहिले महाराजा अहिले राष्ट्रपति सरकार झ्यालखानाको संख्या थप,किनकि सत्यको पक्षमा बोल्ने मुख तिमिले देखाएको त्रासले बन्द हुँदैन।’