नेपाल लाइफको सेयर टुक्रियो

काठमाडौं । नेपाल  लाइफ  इन्स्योरेन्स  कम्पनीले विद्यमान  प्रतिसेयर  अङ्कित  मूल्य  १००  को  व्यवस्थालाई  परिवर्तन गरी प्रतिसेयर अङ्कित मूल्य ५० कायम हुने भएको छ । कम्पनीको बुधबार सम्पन्न साधारण सभाले उक्त प्रस्ताव पारित गरेको हो ।कम्पनीले साना लगानीकर्ताको समेत कम्पनीको सेयरमा सहज पहुँचका  बढाउन  प्रतिकित्ता  अङ्कित  मूल्यलाई  आधा  घटाएको जनाएको छ ।

सभाले कम्पनीको ५१ प्रतिशत लाभांश पारित गरेको छ । सभाले ३१ प्रतिशत बोनस  सेयर  र  करसहित  २०  प्रतिशत  नगद लाभांश वितरणको प्रस्ताव पारित भएको छ । बोनस  सेयर  वितरणपछि  कम्पनीको चुक्ता  पुँजी  सात  अर्ब  १९  करोड  ९९  लाख ७०  हजार  रुपियाँभन्दा  बढी  पुगेको  छ ।  यो जीवन  बीमा  क्षेत्रमा  सबैभन्दा  बढी  पुँजी भएको कम्पनीको दाबी छ ।

यसैबीच  सञ्चालक  समितिको  मङ्गलबार  बसेको  बैठकले कम्पनीका  कार्यवाहक  प्रमुख  कार्यकारी  अधिकृत  सन्तोष  प्रसाईंलाई प्रमुख कार्यकारी अधिकृत पदमा नियुक्त गरी सोको स्वीकृतिका लागि बीमा  समितिमा  पठाउने  निर्णय  गरेको  जारी  विज्ञप्तिमा  उल्लेख  छ । गोरखापत्रमा खबर छ ।