काठमाडौं । सोलुखुम्बुको नेचा सल्यान गाउँपालिका–२ मा आगलागी हुँदा एक बालक र एक बालिकाको ज्यान गएको छ । स्थानीयवासी टेकबहादुर निरौलाको मतानमा शनिबार दिउँसो करिब २ बजे आगलागी हुँदा उनीहरुको मृत्यु भएको सोलुखुम्बु प्रहरीले पुष्टि गरेको छ ।
आगलागीमा परी ज्यान गुमाउनेमा टेकबहादुरका सात वर्षीय नाती सुगम र चार वर्षीया नतिनी सुदिष्मा रहेको जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालले जानकारी दिनुभयो ।
माथिल्लो तलामा घाँसलगायतका सामग्री राखिएको मतानमा बालबालिकाले लाइटर खेलाउँदा आगलागी भएको हुनसक्ने प्रहरीले अनुमान गरेको छ । बालक र बालिकाको शव परीक्षणका लागि जिल्ला अस्पताल फाप्लु ल्याउने तयारी भइरहेको प्रहरीले जनाएको छ ।
प्रतिक्रिया दिनुहोस
रासस
शनिबार, १७ माघ २०७७, २० : ४५
लेखकबाट थप
सम्बन्धित समाचारहरु
अछाममा आगलागी हुँदा दुई नाबालकको मृत्यु
आगलागीबाट कर्णालीमा एक साताभित्रै ६ जना को मृत्यु
आगलागीमा गम्भीर घाइते भएका तीनै बालकको मृत्यु
डोल्पामा आगलागीमा परेका तीनै जना बालबालिकाको मृत्यु, शोकमा डुब्यो सिङ्गो गाउँ
हुम्लाको भेडी गोठमा आगलागी, १ जनाको मृत्यु
भीरबाट खसेका ढुङ्गा एकापसमा ठोक्किँदा आगलागी