नेकपा संसदीय दलको बैठक आज, प्रचण्ड दल नेता चुनिदैं

काठमाडौं । प्रधानमन्त्री केपी ओलीले हठात् प्रतिनिधीसभा विघटन गरेपछि उनलाई उनको पार्टीले अनुशासनको कारवाही गदै पार्टी अध्यक्षबाट हटाएको छ । तर यो ओलीको कदम गैहसम्वैधानिक भएको र संसद जिवितै रहेको तर्क सहित नेकपाकै बहुमत सदस्य रहेको प्रचण्ड र माधव नेपाल समुहले संसद  बैठक बोलाउन माग समेत गरिसकेका छन् ।

गत सोमबार ओलीले विघटनको अवस्थामा पुराएको प्रतिनिधीसभाका कुल ९० सांसदहरुले संसद विघटन अवैधानिक भन्दै  बैठक बोलाउन माग गरेका हुन् । उनीहरुले हिजो सर्वाेच्च अदालत पुगेर विघटन गैहसम्वैधानिक भएको ठहर गदै त्यस्तो राष्ट्रपति र सरकारको निर्णय खारेज गर्न माग गरेर निवेदन समेत दिईसकेका छन् ।

संसद विघटनको विरुद्ध सर्वाेच्चमा परेका अनेक निवेदन मध्येका पारम्भिक चरणको सुनुवाई सर्वाेच्चमा आज हुदैछ । संसद जिवितै रहेको मतका साथ यसको बैठक बोलाउनु पर्ने तर्कका आधारमा नेकपाको प्रच्ण्ड नेपाल समुहले अन्य दलसँग  पनि यसका लागि हातेमालो गदैछन् । कांग्रेस, जसपा सँग मोर्चावन्दी भएको छ ।

जसपाले सडक संर्घषको कार्यक्रम घोषणा गरिसकेको छ । नेकपाले पनि जारी केन्दीय समिति  बैठकबाट यस सम्वन्धमा संर्घषका कार्यक्रम बनाउने देखिएको छ ।

यो पक्षले आज संसदीय दलको  बैठक बोलाएको छ । दिउँसो १ वजे बस्ने नेकपा संसदीय दलको वैठकले दल नेताबाट ओलीलाई हटाएर अध्यक्ष प्रचण्डलाई दल नेता बनाउने तयारी थालेको छ ।

नेकपामा प्रतिनिधीसभामा कुल १७४ सांसद थिए । जसमध्ये सभामुखलाई छोडने हो भने ८७ सांसद भए बहुमत पुग्छ । तर प्रचण्डहरु सँग  ९० सांसदले ओलीको कदम अवैधानिक भएको बताईसकेका छन् । अन्य केही पनि नखुलेका सांसदहरु पनि खुलेर प्रचण्ड नेपाल समुहमा आउने क्रम जारी छ ।

बहुमत सांसदहरुले आज प्रचण्डलाई दलको नेता बनाउने गरी तयारी थालेको एक सांसदले बताए । दलको  बैठक दिउसो १ बजे वानेश्वरस्थित संसद भवनको ल्होसे हल मा बस्दैछ ।