एजेन्सी । कोरोना भाइरसविरुद्ध फाइजर र बायोएनटेक कम्पनीले निर्माण गरेको खोप बेलायतमा अर्को हप्तादेखि दिन सुरु गरिने बताइएको छ ।
‘स्वतन्त्र मेडिसिन्स एन्ड हेल्थकेयर प्रोडक्टस रेगुलेटरी एजेन्सी ९एमएचआरए० को सिफारिसमा सरकारले फाइजर–बायोएनटेकको कोभिड–१९ को खोपलाई प्रयोगका लागि अनुमित दिएको छ,’ सरकारद्वारा जारी विज्ञप्तिमा भनिएको छ ।
बेलयातभर अर्को हप्तादेखि खोप उपलब्ध गराइने विज्ञप्तिमा जानकारी दिइएको छ । स्वास्थ्य सचिव म्याट ह्यानककले अर्को हप्ताको शुरुदेखि खोपको कार्यक्रम शुरु गरिने बताए । ‘यो निकै खुसीको कुरा हो,’ उनले भने ।
बेलयातको खोप कमिटीले कुन प्राथमिकता समूहले पहिलो खोप पाउनेछन् भनेर निर्णय गर्नेछ । यसमा केयर होमका वासिन्दा, स्वास्थ्यकर्मी र बृद्धि र रोगका कारण जोखिम समूहमा रहेका छन् ।
फाइजर–बायोएनटेक र अमेरिकी कम्पनी मोडेर्नाले खोपको प्रारम्भिक अध्ययनमा यो ९० प्रतिशतभन्दा बढी प्रभावकारी भएको पाइएको दाबी गरेको छ । यो सामान्य खोपको प्रभावकारिता दरभन्दा निकै बढी हो । दुवै खोप आरएनए ९एमआरएनए० प्रविधिमा आधारित छन् ।
फाइजरले बेलायतले खोपको आपत्कालिन प्रयोगका लागि अनुमति दिनु कोभिड–१९ विरुद्धको युद्धमा ऐतिहासिक पल भएको बताएको छ ।
स्रोत : अलजजिरा
प्रतिक्रिया दिनुहोस
एजेन्सी
बुधबार, १७ मंसिर २०७७, १४ : १५
लेखकबाट थप
सम्बन्धित समाचारहरु
चीनमाथि बेलायतले लगायो साइबर हमलाको आरोप
प्रधानमन्त्रीसँग बेलायतका विकासमन्त्रीको भेट
हुथी विद्रोहीको आधार शिविरमा अमेरिका र बेलायतकाे आक्रमण
बेलायतमा रोजगारीका लागि ४५ जना नेपाली नर्स छनोट
बेलायतका पूर्वप्रधानमन्त्री क्यामरुन विदेश सचिवमा नियुक्त
प्रहरी महानिरीक्षक कुँवर बेलायतबाट स्वदेश फिर्ता