ट्रकको ठक्करबाट घटनास्थलमै तिनजना युवाको मृत्यु

काठमाडौं । ट्रकको ठक्करबाट दाङमा तीनजना युवाको घटनास्थलमै मृत्यु भएको छ ।

 जिल्ला प्रहरी कार्यालय दाङका अनुसार राप्ती गाउँपालिका वडा नम्बर ४ मौरिघाट स्थित पश्चिमबाट पूर्व तर्फ जाँदै गरेको ना ६ ख ३३४४ नम्बरको ट्रकले पूर्वबाट पश्चिम तर्फ जाँदै गरेको रा ५ प ६७४४ नम्बरको मोटरसाइकललाई ठक्कर दिदा मोटरसाइकलमा सवार तीनजनाको घटनास्थलमै मृत्यु भएको हो ।

मृत्यु हुनेहरुमा  राप्ती गाउँपालिका–५ का १६ वर्षीय मनोज गाहा, राप्ती गाउँपालिका–२ का १८ वर्षीय कसम पुन र राप्ती गाउँपालिका–८ पिपरीका १८ वर्षीय दिनेश घर्ती रहेको प्रहरीले जनाएको छ ।  शवलाई पोष्टमार्टमको लागि लमही अस्पतालमा राखिएको छ