आईपीएल फाइनल आज, उपाधीका लागि मुम्बई र दिल्ली भिड्ने

काठमाडौं । इन्डियन प्रिमियर लिग (आईपीएल) क्रिकेटको १३ औं संस्करणको फाइनल प्रतिष्पर्धा आज हुँदैछ ।  ४ पटकको च्याम्पियन भईसकेका मुम्बई इन्डियन्स र पहिलो पटक फाइनल पुगेको दिल्ली क्यापिटल्स उपाधिका लागि भिड्ने छन् ।

फाइनल खेल नेपाली समयअनुसार आज राति पौने ८ बजे युएईको दुबईमा हुनेछ । सविक विजेतासमेत रहेको मुम्बईले फाइनल खेल्न लागेको यो छैटौं पटक हो । यसअघि १२ औं संस्करणसम्म फाइनल पुग्न नसकेको दिल्ली पहिलो पटक फाइनल पुग्दै इतिहास रच्न ध्याउन्नमा लागेको छ । 

फाइनलअघिको तीन भेटमा मुम्बईले दिल्लीलाई पराजित गरेको थियो । लिग चरणका दुई खेल र पहिलो क्वालिफायरमा मुम्बईले दिल्लीलाई पराजित गरेको हो । दुवै टिम बिच कडा प्रतिष्पर्धा हुने धेरैले अनुमान लगाएको छ ।