आज दिनभरको मौसम कस्तो रहला ?

काठमाडौँ । जल तथा मौसम पूर्वानुमान महाशाखाले सोमबार मुलुकका केही भूभागको  मौसममा सामान्यदेखि आंशिक बदली हुने  जनाएको छ ।

प्रदेश १, बाग्मती र गण्डकी प्रदेशका पहाडी भूभागमा आंशिक देखि सामान्य बदली तथा लुम्बिनी, कर्णाली र सुदूर पश्चिम प्रदेशमा आंशिक बदली रहने मौसमविदले बताएका छन् ।

अन्य भूभागमा मौसम सामान्यतया सफा रहने महाशाखाले जनाएको छ। मौसमविदले प्रदेश १ का केही स्थानहरुमा हल्का वर्षाको सम्भावना पनि रहेको  भनाइ छ । 

सोमबार राति पनि प्रदेश १, बाग्मती र गण्डकी प्रदेशका पहाडी भूभागहरुमा आंशिक देखि सामान्य बदली रही अन्य भूभागमा मौसम सामान्यतया सफा रहने छ। महाशाखाका अनुसार हाल कुनै उल्लेखनीय मौसमी प्रणाली छैन।