बालिका बलात्कार गर्नेलाई २५ वर्ष कैद

पत्रपत्रिकाबाट

विहीबार, २२ असोज २०७७, ०७ : ४८
बालिका बलात्कार गर्नेलाई २५ वर्ष कैद

हेटौंडा । बलात्कारको कसुर प्रमाणित भएका एक युवकलाई मकवानपुर जिल्ला अदालतले २५ वर्ष कैद सजाय फैसला गरेको छ । ८ वर्षीया बालिकालाई बलात्कार गरेका हेटौंडा–१५ का २८ वर्षीय जयराम रुम्बाविरुद्ध जिल्ला न्यायाधीश कमलराज विष्टको इजलासले अदालतले आइतबार उक्त फैसला सुनाएको हो  । 

बालिकालाई क्षतिपूर्तिस्वरूप रुम्बाले १ लाख रुपैया र पीडित राहत कोषमा १ लाख रुपैयाँ जम्मा गर्न पनि अदालतले आदेश गरेको छ । आइतबारकै इजलासले १४ वर्षकी बालिकालाई बलात्कार गरेको कसुरमा हेटौडा—१ का सुदीप लामालाई १२ वर्ष कैद फैसला गरेको छ ।

Yeti Diistillery Tansen Cement box

उक्त घटनामा अदालतले ६ महिनाभित्र पीडितलाई पीडकबाट क्षतिपूर्तिस्वरूप १ लाख रुपैयाँ नगद उपलब्ध गराउन पनि आदेश गरेको छ । कान्तिपुृर दैनिकमा खबर छ ।

प्रतिक्रिया दिनुहोस