विद्यालय व्यवस्थापन समितिको बैठक बोलाएर अध्यक्षले गरे आत्माहत्या

काठमाडौं । आठराई गाउँपालिका–४ ईवास्थित केलिङ आधारभुत विद्यालयका व्यवस्थापन समिति अध्यक्ष डम्बर ईङ्नामले समितिको बैठक वोलाएर आफुले झुण्डिएर आत्माहत्या गनर््ुभएको छ । 

बिहान १०ः०० बजे खाना खाएर बैठक बस्न भनि घरबाट निस्किनुभएका ईङ्नमा अपराह्न २ः०० बजेसम्म बैठकमा उपस्थित नभएपछि उहाँलाई खोज्न स्थानीयवासी निस्किएका थिए । खोज्ने क्रममा उहाँकै घर नजिकैको महाभिर भन्ने ठाँउमा शव झुन्डिएको अवस्थामा फेला परेको वडा नं. ४ का वडाध्यक्ष श्यामकुमार भट्टराईले बताउनुभयो ।

घट्ना स्थलको मुचुल्का गरी शवलाई पोष्टमार्टमका लागि आज साँझ ७ः३० बजे जिल्ला अस्पताल पाचँथर पठाइएको जिल्ला प्रहरी कार्यालयका प्रहरी निरीक्षक तेजबहादुर दाहालले बताउनुभयो ।