एक रातको बाढीमा बगे १७ जनाको करोडाैं सपना

काठमाडौं । २२ घरका १७ जनाका करोडौ सपना एकरातको बाढीले बगाएको छ । मंगलवार राति अछामको रामारोशन गाउँपालिकामा आएको बाढीले २२ घरसहित १७ जना बेपत्ता भएका छन् ।

मंगलवार राति खाना खाएर सुतेका १७ जना निद्राबाट बिउझिन नपाउँदै बेपत्ता हुनुप¥यो । बेपत्ता १७ मध्ये ७ जना बुधवार मृत अवस्थामा भटिए । भौगोलिक विकटताले सदरमुकामदेखि टाढा रहेको रामारोशन गाउँपालिकाले यो वर्ष बाढीबाट करोडौंको क्षतिका साथै ठूलो संख्यामा मानवीय क्षति बेहोर्नुप¥यो ।

सैनिबजारमा होटेल व्यवसाय गरी बसोबास गर्ने नन्दसिंह साउदको सात जनाको परिवार पूरै बगेको छ । नन्दसिंह साउदसहित पत्नी गंगा, छोरी कविता बुढा साउद, छोरा नवीन, रुपेश, नातिनी प्राप्ति र बीमा तथा बुहारी जोगालाई बाढीले बगाएको छ ।

नन्दसिंह साउदको हजारौ सपनासहितको परिवार मंगलवारको बाढीले एकरातमै बगाएको छ । नन्दसिंह साउदको होटलमा बसेका अरु दुई पाहुनासमेत बगेको बुझिएको छ । जसमध्ये नवीनको शव भेटिएको छ । यस्तै सैनीबजारका सुनचाँदी व्यवसायी मीनबहादुर सुनारका छोरालाई निद्रा नपर्दा मीनबहादुरको परिवार जोगियो । नेपाल समाचारपत्रमा खबर छ ।