चितवन । नारायणी नदीले बगाएका दुई जनाको उद्दार गरिएको छ । नारायणी नदीमा बगेको सूचनाको आधारमा स्थानीय बासिन्दाको सहयोगमा चितवन प्रहरीले एक महिला र एक पुरुषको उद्दार गरेको हो ।
भरतपुर महानगरपालिका–३ स्थितमा नारायणी नदीले मानिस बगाएको भन्ने सूचना प्राप्त भएपछि वडा प्रहरी कार्यालय नारायणगढबाट खटिएको प्रहरी टोलीले उद्दार गरेको हो । प्रहरी जवान सिद्दराज शर्मा र प्रहरी जवान खड्ग बहादुर बिष्टले स्थानीयको सहयोगमा बर्ष ३७ को पुरुष व्यक्तिलाई नदीले बगाएको स्थानबाट अन्दाजी ५०० मिटर तल वडा नम्वर ३ को कार्यालय नजिकबाट उद्दार गरेको चितवन प्रहरीले जनाएको छ ।
त्यस्तै वर्ष २५ की महिलालाई नारायणी किनारमा रहेको बुद्ध मूर्ति छेउबाट उद्दार गरी उपचारको लागि भरतपुर अस्पताल पठाएको प्रहरीले जनाएको छ । बर्षातको समयमा नदीको बहाव उच्च हुने हुँदा अनावश्यक रुपमा नदी किनारमा नगइदिन समेत प्रहरीले अनुरोध गरेको छ ।
प्रतिक्रिया दिनुहोस
सफल खबर संवाददाता
शनिबार, ०३ साउन २०७७, १३ : २९
लेखकबाट थप
सम्बन्धित समाचारहरु
नारायणी नदीमा नयाँ पुलको काम सुरु
नारायणी नदी किनारका स्ट्रिट फुड व्यवसायीलाई स्वच्छता सम्बन्धी तालिम
नारायणी नदीको क्रुजसिप पुनः सञ्चालनमा
नारायणी नदीमा मोटरबोट चढ्नेको भीड
नारायणी नदीमा छठको तयारी
नारायणी नदीमा चल्न थाल्यो मोटरबोट