करेन्ट लागेर युवकको मृत्यु

चन्द्रौटा । कपिलवस्तुमा करेन्ट लागेर एक मृत्यु भएको छ । आज अपराह्न ३ बजे रुखमा घाँस काट्ने क्रममा करेन्ट लागेर अर्घाखाँची  भूमिकास्थान नगरपालिका –२ स्थायी घर भएका २७  वर्षीय नवराज भुसालको मृत्यु भएको इलाका प्रहरी कार्यालय गोरुसिङ्गेका प्रहरी निरीक्षक कृष्ण रानाले बताउनुभयो ।

बुद्धभूमि नगरपालिका चौवन्नपुरमा मामाघर बस्दै आएका भुसाल दिउँसो सडक नजीकै रहेको रुखमा घाँस काट्ने क्रममा विद्युत्को तारले छुँदा करेन्ट लागेर रुखमै अड्किनुभएको थियो । शव परीक्षणका लागि तौलिहवा पठाइएको प्रहरीले जनाएको छ ।