सुदूरपश्चिम प्रदेशमा १२५ जना कोरोना संक्रमित

कैलाली । सुदूरपश्चिम प्रदेशका १२५ कोरोनाभाइरस ९कोभिड–१९० संक्रमितको उपचार भइरहेको छ । यसअघि १८ जना निको भइ घर गइसकेका छन् भने २ जना संक्रमितको मृत्यु भएको जनाएको छ । सामाजिक विकास मन्त्रालय अन्तर्गत स्वास्थ्य निर्देशनालय डोटीले दिएको जानकारीअनुसार प्रदेशमा ९१६६ जनाको स्वाब संकलन गरिएको छ भने ७४८३ जनाको पीसीआर मेसिनबाट जाँच गरिएको जनाएको छ ।

७३३८ जनाको रिपोर्ट नेगेटिभ छ भने १४५ जनामा कोभिड–१९ को संक्रमण पुष्टि भएको सामाजिक विकास मन्त्रालयका स्वास्थ्य महाशाखा प्रमुख नरेन्द्र सिंह कार्कीले बताए ।  जसमा १८ जना निको भएर घर गएका र २ जनाको मृत्यु पश्चात हाल १२५ जना संक्रमितको उपचार भइरहेको उनले बताए । १६८३ जनाको नतिजा आउन बाँकी रहेको उनले बताए ।

उनका अनुसार  सेती प्रादेशिक अस्पतालको कोभिड–१९ प्रयोगशालामा गरिएको परीक्षणबाट थप ३७ जनामा कोभिड–१९ संक्रमण पुष्टि भएसँगै  अस्पतालमा उपचाररत संक्रमितको संख्या १२५ र कूल संक्रमितको संख्या १४५ पुगेको हो ।  नयाँ पुष्टि भएका भएका ३७ जनामध्ये कैलालीको जानकी गाउँपालिका बस्ने वर्ष ४२ का १ जना पुरुष, कञ्चनपुरको भीमदत्त नगरपालिका बस्ने वर्ष ३२, ४३ का २ जना महिला र वर्ष २३,२५,३२,का ३ जना पुरुष छन् ।

यसैगरी कञ्चनपुरको शुक्लाफाटा नगरपालिकाका बस्ने वर्ष २० का १ जना पुरुष , दार्चुला महाकाली नगरपालिका बस्ने १ जना पुरुष, सोही जिल्लाको तिल्का शैल्यशिखर नगरपालिका बस्ने वर्ष १७ ,२०,२०,२१,२७,२९,३०र ३४ का पुरुष छन् ।
डडेल्धुरा अमरगढी नगरपालिका बस्ने वर्ष १८ का १ जना महिला र ४५ वर्षको १ जना परुष रहेका छन् । 

डडेल्धुराको परशुराम नगरपालिका बस्ने वर्ष २२,२५,५७, का परुष र डडेल्धुराकै नवदुर्गा गाउपालिका बस्ने वर्ष २०,२१, का २ जनामा पनि कोरोना पुष्टि भएको छ । संक्रमितको विभिन्न अस्पतालमा उपचार भइरहेको छ ।  प्रदेशमा आइसोलेसन बेड संख्या २४९ वटा रहेकामा हाल १०५ जनालाई आइसोलेसनमा राखी उपचार भइरहेको  छ ।