कर तिर्ने समय सार्ने अर्थ मन्त्रालयको तयारी

काठमाडौ । चौतर्फी  विरोधपछि अर्थ मन्त्रालयले कर तिर्ने समय सार्ने तयारी गरेको  छ । लकडाउन कायमै रहेका बेला कर तिर्न सूचना प्रकाशित गरेपछि आलोचित बनेको मन्त्रालयले मूल्य अभिवृद्धि कर, आयकर तथा अन्तशुल्क तिर्ने जेठ २५ गतेबाट सार्न लागेको छ । 

नेपाल उद्योग वाणिज्य महासंघका पदाधिकारीसँग बुधबार भएको छलफलमा अर्थसचिव शिशिरकुमार ढुङ्गानाले कर तिर्ने जेठ २५ को समयसीमालाई पर सार्न आफूहरु तयार भएको बताए । 

लकडाउनपछि आर्थिक गतिविधि ठप्प भएपछि सरकारलाई कर तिर्न नसकिने भन्दै बुधबार सरकारको चर्को आलोचना भएको थियो । त्यसपछि सरकार जेठ २५ को समयसीमा सार्न लागेको हो । अर्थले मिति पर सारे पनि कहिलेसम्म तिर्नेभन्ने मिति तोकेको छैन । यद्यपि, अहिलेको समयलाई पर सारिने भएको हो ।