एजेन्सी । विश्व नै कोरोना भाइरसको महामारीले यतिबेला आक्रान्त भइरहदा यो भाइरसलाई परास्त गर्न सफल चीन भने अहिले शक्ति प्रदर्शन तर्फ केन्द्रित बनेको छ । चीनकै बुहान प्रान्तबाट शुरु भएको यो भाइरसबाट कसरी जोगिने भन्नेमा अरु देश रोकथाम तथा सतर्कताका लागि विभिन्न उपायमा केन्द्रित भईरहदा चीन भने विश्वकै शक्ति राष्ट्र बन्ने होडमा आफुलाई डो¥याउन थालेको छ ।
त्यसै क्रममा चीनले हालै समुन्द्रमा अत्याधुनिक हजारौं किलोमिटरको रेन्जमा लड्न सक्ने लडाकु पानी जहाँज प्रदर्शन गरेको हो । चीनले हालै अत्याधुनिक तवरले निर्माण गरेको दुई नयाँ लडाकु जहाँज सेनालाई दिएको छ । अत्याधुनिक रहेका उक्त लडाकु जहाँजहरु चीनका नौसेनाहरुको ७१ औँ दिवसका अवसरमा चीनले दिएको हो । उक्त लडाकु पानी जहाँज टाइप–०९४ को रहेका छन् भने एटम ब्यालेस्टिक मिसाइलबाट ल्यास रहेको छ । टाइप–०९४ सबमरीनले एकै पटकमा १६ जेयल–२ ब्यालेस्टिक मिशाइल बोकेर अन्यत्र लैजान सक्छ ।
उक्त मिशाइलको रेन्ज ७ हजार किलोमिटर रहेको छ । चीनले त्यस्ता ६ वटा लडाकु पानी जहाँज अहिलेसम्म बनाएको छ । चीन सरकारले त्यसको प्रदर्शन गएको वर्ष अप्रिलमा शानडोंग प्रान्तको क्विंगडाओ शहरस्थित समुन्द्र तटमा गरेको थियो ।दुई मिसाइल बोक्ने लडाकु पानी जहाँज भने सरकारले गुपचुप रुपमा सेनालाई पहिल्यै दिईसकेको छ । चीन अहिले ०९६ टाइपको लडाकु पानी जहाँज बनाईरहेको छ ।
जो अहिलेको भन्दा पनि अत्याधिक आधुनिक हुनेछ । उक्त लडाकु जहाँजले २४ जेयल–३ एस ब्ल्यास्टिक मिसाइल बोक्न सक्नेछ । उक्त मिसाइलको रेन्ज १० हजार किलोमिटरको हुनेछ । त्यसपछि अमेरिका, युरोप, चीन, रुस सबै चीनको मिसाइलको रेन्जमा आउनेछन् । चीनसँग अहिले ०९५ टाइपको लडाकु पानी जहाँज रहेको छ । जो एकदमै तीव्र गतिको रहेको छ । हालै मात्र चीनको नौसेनाले जेयल–३ मिसाइलको सफल परिक्षण पनि गरिसकेको छ ।
चीन आफ्ना हतियार र शक्ति प्रदर्शनमा लागि परेको छ । हालै मात्र पनि चीनले स्वयं आफ्नो एयरक्राफ्ट करियर बनाएको थियो । जसमा जे–१५ फाइटर जेट्स राखिएको छ । त्यसपछि अन्य फाइटर जेट्समा पनि चीनले परिवर्तन गरेको थियो । चीनले टाइप–०५५ डेस्ट्रोयर पनि बनाएको छ जो परमाणु सञ्चालित छन् ।
यो चीनकै सबैभन्दा तीव्र गतिको लडाकु जहाँज हो । त्यो बाहेक नयाँ एन्टी सबमरीन पेट्रोल एयरक्राफ्ट पनि नौसेनासँग रहेको छ । त्यसको नाम गाओक्सिन–९ म्यारीटाइम एन्टी सबमरीन वोरफेयर प्लेन छ । गएको महिना मात्र चीनले कोरोना भाइरसको महामारीका बीच मिलिट्री ड्रिल गरेको थियो । त्यसपछि एयरफोर्स ड्रिल गरेको थियो । जसका कारण छिमेकी देशहरुमा चिन्ताको विषय बनेको थियो । चीनले शक्ति प्रदर्शन गरेपछि केहि देशहरुले सुरक्षाका लागि मिसाइल तैनाथ गरेका थिए ।
कोरोनाको सन्त्रास हटेसंगै चीनले आफुलाई पुववर्ती अवस्थामा ल्याउन अहिले कलकारखाना, उद्योग, शिक्षण संस्था सबै खोलिसकेको छ । कोरानासंग लगिरहेको अन्य ठुला राष्ट्रहरुलाई स्वास्थ्य सामग्री समेत चीनले नै निर्माण गरेर निर्यात समेत गर्न थालेको छ । कोरोनाकै कारण चीन र अमेरिका बिचको दुरी फेरी बढदै गएको छ । अमेरिकी राष्ट्रपति डोनाल्ड ट्रम्पले कोरोना भाइरस चीनद्धारा निर्मित मानव अस्त्र रहेको बताउदैं आएका छन् । एजेन्सीहरुको सहयोगमा
प्रतिक्रिया दिनुहोस
सम्बन्धित समाचारहरु
नेपाल र चीनको सीमा कोरला क्षेत्रमा प्रहरीको संयुक्त गस्ती
नेपाल–चीन सहायता परियोजनाको पहिलो बैठक सम्पन्न
चीनमा भारी वर्षासँगै आँधीबेहरी आउने अनुमान, मौसम विज्ञान केन्द्रले भन्यो– सावधानी अपनाउनू
देव गुरुङको नेतृत्वमा माओवादीको टोली चीन भ्रमणमा
चीनले श्रीलङ्कालाई दिने सहयोग जारी राख्ने
सीमा क्षेत्रमा तनाब कम गर्न भारत-चीन सहमत