बेलायतमा थप तीन हप्ता लकडाउन

लन्डन । गत महिना मार्च २३ तारिखबाट बेलायतमा शुरु गरिएको तीन हप्ता लामो लकडाउनको  अवधि बिहीबारबाट पुन तीन हप्ताको लागि थप गरिएको छ ।

 गत सोमबारदेखि नै तीन हप्ते लकडाउनको समयसीमा सकिएपनि निरन्तर रुपमा लकडाउन जारी राख्न सरकारले निर्देशन दिएको थियो । मृत्युदर र संक्रमित संख्यामा नियन्त्रण नभएपछि लकडाउनको अवधि पुन तीन हप्ताको लागि थपिएको हो ।

‘डिपार्टमेन्ट अफ हेल्थ एण्ड सोसल केयर’ ले जारी गरेको तथ्यांकअनुसार बिहीबारमात्र बेलायतमा थप ४ हजार ६ सय १७ जना संक्रमित भएका छन् । यसैगरी बिहीबारको जारी तथ्यांक अनुसार कोरोनाका संक्रमणका कारण गएको २४ घन्टामा अस्पतालमा थप ८ सय ६१ जानले ज्यान गुमाएका छन् । 

विगत केहि दिनको तुलानामा कोरोनाबाट मृत्यु हुनेको संख्या केहि बृद्दी भएको हो । अहिलेसम्म बेलायतमा मात्र कोरोनाको संक्रमणबाट ज्यान गुमाउनेको संख्या १३ हजार ७ सय २९ पुगेको छ ।