चीनभर तीन मिनेट मौनधारण

शनिबार, २२ चैत्र २०७६, १३ : १४
चीनभर तीन मिनेट मौनधारण

कोरोनाबाट ज्यान गुमाएकाहरूप्रति श्रद्धा व्यक्त गर्दै भाइरस उत्पत्तिस्थल वुहानका स्वास्थ्यकर्मीहरू ।

एजेन्सी । कोरोना भाइरसबाट चीनमा मृत्यु भएकाहरूको सम्झनामा तीन मिनेट मौनधारण गरिएको छ ।

चीनभरिका नागरिकले भाइरसबाट मृत्यु भएका सबै र सङ्क्रमितको उपचार गर्दागर्दै आफ्नो ज्यान गुमाउने स्वास्थ्यकर्मीको सम्मानमा तीन मिनेट मौनधारण गरेका हुन् ।
राष्ट्रिय शोक दिवसका रूपमा चीनको राष्ट्रिय झण्डासमेत आधा झुकाइएको छ । सवारीसाधनमा समेत हर्नको रुपमा परम्परागत शोक धुन बजाएका छन् ।

यद्यपि, सङ्क्रमणको डर बाँकी नै रहेकाले सर्वसाधारणलाई भने चिहानमा जान रोकिएको थियो ।

यसैबीच, चीनका सिन्ह्वा, चाइना डेल्ली, ग्लोबल टाइम्स, पिपुललगायतका मूलधारका मिडियाले आफ्ना अनलाइन संस्करण अग्रभाग श्यामश्वेत बनाएका छन् ।