काठमाडौं । सेक्युरेटी प्रिन्टिङ प्रेस खरिदमा ७० करोड रुपैया कमिसन मागेको अडियो सार्वजनिक भएपछि सञ्चार तथा सूचना प्रविधि मन्त्रीबाट राजीनामा दिन बाध्य भएका गोकुलप्रसाद बास्कोटाको निवास छेउमा बम विस्फोट भएका छ ।
जिल्ला प्रहरी कार्यालय भक्तपुरका अनुसार, भक्तपुर जिल्लाको मनहरा फाँटस्थित बास्कोटाको निर्माणाधीन घर नजिकै बुधबार बिहान ७ः४५ बजे बम विष्फोट भएको हो ।
विस्फोटका बेला बास्कोटा भने निवासमा थिएनन् । उनी मन्त्री भएदेखि नै प्रधानमन्त्री केपी शर्मा ओलीको बालकोटस्थित निजी निवासमा बस्दै आएका छन् । मन्त्रीबाट राजीनामा दिएपछि पनि उनी आफ्नो निवास सरेका छैनन् ।
बास्कोटाको घरलाई नै लक्षित गरी बम विष्फोट गराइएको प्रहरीले बताए पनि कसले र किन गरायो भन्ने खुलाएको छैन । घटनास्थलमा जिल्ला प्रहरी कार्यालय भक्तपुरका प्रहरी उपरीक्षक सविन प्रधान नेतृत्वको टोली पुगेको छ ।
प्रहरीका अनुसार विस्फोटबाट बास्कोटाको घरको पर्खाल र सिसाहरुमा क्षति पुगेको छ भने त्यहाँ राखिएको एउटा मारुती भ्यानमा समेत क्षति पुगेको छ । विस्फोटबाट छिमेकीहरुको घरमा समेत क्षति पुगेको छ ।
प्रतिक्रिया दिनुहोस
सम्बन्धित समाचारहरु
इजरायली सेनाद्वारा गाजामा रातभरी बमबारी, २८ जनाको मृत्यु
गोरखामा शंकास्पद बस्तु फेला, सेनाको बम डिस्पोजल टोली घटनास्थलमा
सिनामंगलमा राखिएको शंकास्पद वस्तु बम नभएको पुष्टि , एकजना पक्राउ
भारतीय बिदेश राज्यमन्त्रीको निवासमा बम प्रहार
रुसी लडाकु विमानबाट रुसकै शहरमा खस्यो बम