काठमाडौं । परराष्ट्र मन्त्रालयले गरेको औपचारिक आग्रहपछि भारतीय अध्यागमनले ‘नेपालका स्थलमार्गबाट दिल्ली जाने नेपाली यात्रुले विमानबाट काठमाडौँ फर्कन नपाउने’ नियम अनिवार्य गरेको छ । 

दिल्लीस्थित नेपाली दूतावासले जारी गरेको सूचनामा यात्रुले आफ्नो राहदानीमा ‘प्रस्थान छाप (डिपार्चर स्टाम्प) भएको अवस्थामा मात्रै भारतीय अध्यागमनले आगमन छाप लगाउने स्पष्ट प्रवन्ध कायम भएको जनाएको छ । 

यो सूचनापछि परोक्षरुपमा नेपाल–भारतका नागरिकले हवाइमार्ग हुँदै एकअर्को देशमा आवतजावत गर्न नागरिकता वा अन्य प्रामाणिक पहिचानपत्र प्रयोग गर्न पनि नसक्ने भएको छ । अब पासपोर्ट प्रयोग गर्नुपर्ने भएको कान्तिपुरले समाचार छापेको छ ।