Safal Khabar - नेकपाभित्र ओली खेमामा उत्तराधिकारीको खोजी
मङ्गलबार, ०६ फागुन २०७६ (Tuesday, 18 February, 2020)
नेकपाभित्र ओली खेमामा उत्तराधिकारीको खोजी
इश्वर पोखरेल र विष्णु पौडेलवीच उत्तराधिकारी बन्न  आन्तरिक प्रतिस्पर्धा
बुधबार, ०१ माघ २०७६, ०९ : ३६
नेकपाभित्र ओली खेमामा उत्तराधिकारीको खोजी

काठमाडौं । नेकपाभित्र पार्टी शीर्ष नेताहरुकै वीचमा धुव्रिकरण बढिरहेका बेला प्रधानमन्त्री केपी ओलीको समुहमा उत्तराधिकारीको खोजी शुरु भएको छ । अस्वस्थ्य प्रधानमन्त्रीको उत्तराधिकारी बन्नका लागि उनी नेतृत्वको समुहमा महासचिव विष्णु पौडेल र सचिवालय सदस्य इश्वर पाखरेलका वीचमा प्रतिस्पर्धा चल्न थालेको छ ।

पार्टीभित्र रहेर उत्तराधिकारी बन्न सकिन्छ कि  सरकारको मोर्चामा रहेर भन्नेमा पौडेल र पोखरेलका वीचमा तिब्र  प्रतिस्पर्धा चलिरहेको ओली निकट नेताहरुको भनाई छ । पौडेलले सरकारमा र पोखरेलले भने पार्टीको जिम्मेवारीमा रहेर  उत्तराधिकारी बन्ने दाउ  गरिरहेका छन् । यी दुई नेताका वीचमा पनि एकपटक अनौपचारिक रुपमा सरकार  र पार्टीका मोर्चा हेरफेरका विषयमा कुराकानी चलेको स्रोत  बताउँछ । पौडेल सरकारमा उपप्रधान तथा अर्थमन्त्रीका रुपमा प्रवेश गरेर प्रधानमन्त्रीको मृगौला पून प्रत्यारोपणका क्रममा कार्यवाहक प्रधानमन्त्रीका रुपमा  आफु सरकारको मोर्चामा जान हत्तारिएका छन् ।

त्यसका लागि उनले आवश्यक पर्दा पोखरेललाई सरकारवाट वाहिर ल्याएर पार्टीको महासचिव पद दिन सकिने सम्मको सन्देश पु¥याईसकेका थिए । पौडेलको दाउ प्रधानमन्त्रीको प्रमुख राजनीतिक सल्लाहकारबाट  विष्णु रिमालालाई हटाउने र त्यसपछि आफुृ निकट ब्यक्तिलाई त्यहा सेटिङ मिलाउने, आफु सरकारमा उपप्रधान तथा अर्थमन्त्रीका रुपमा भित्रने र पोखरेललाई पार्टी महासचिवको पद आवश्यक पर्दा छोडन सकिने गरी रणनीति  बनाउन थालेका छन् ।

Yeti Diistillery
nic asia

प्रधानमन्त्रीका सचिवालयका सदस्यहरु हेरफेरको तयारी हुदै गर्दा देखि पौडेल र पोखरेलका वीचमा उत्तराधिकारी वन्ने प्रतिस्पर्धा चलेको हो । ओलीले भने आफना उत्तराधिकारी पोखरेलमा नदेखेपछि विष्णु पौडेललाई पार्टी एकताका क्रममा अध्यक्ष दाहालसँगको समेत सहमतिमा महासचिव बनाएर अगाडी सारेका थिए । 

तर तत्कालका लागि पौडेल पनि सम्भावित उत्तराधिकारीकै रुपमा नदेखिएपछि उनले केही समय अगाडी नेता वामदेव गौतमलाई पून फकाउदै उत्तराधिकारी बनाउने सम्मका लागि आश्वासन बाढेका थिए । तर गौतमले ओलीसँग भन्दा पनि प्रचण्डसँगको हिमचिममै आफुलाई राख्न थालेपछि ओली गौतमलाई आफुबाट  टाढा जान पनि नदिने तर प्रचण्डको हुन पनि नदिने रणनीतिमा लागेका छन् । त्यसो हुदा गौतम ओलीको सम्भावित उत्तराधिकारीको सम्भावित सूचिबाट  हटाईएका छन् । 

गौतम पाखा लागेपछि अहिले उत्तराधिकारीका लागि महासचिव पौडेल र उपप्रधान तथा रक्षामन्त्री रहेका पोखरेलकै वीचमा प्रतिस्पर्धा चलिरहेको छ । तत्कालिन एमालेमा दुई पटक सम्म पार्टी महाससचिव बनेपनि पार्टी पकडमा पोखरेल असाध्यै कमजोर देखेपछि पौडेलले उनलाई पछाडी पारेर आँफै उत्तराधिकारीका लागि लागेको देखिएको ओली निकट नेताहरुका वीचमा चर्चा छ । 

पोखरेललाई कार्यकर्ताले खास नरुचाउने र उनले महासचिव भएर पार्टीमा पकड बनाउन नसक्ने भन्दै सरकारको मोर्चामै रहेर मात्र पार्टी कार्यकर्तामा पकड बनाउन सकिने पौडेलले ठानेका छन्  । तर पौडेलको यो योजनाभित्र ओली निकट नेताहरु शंकर पोखरेल, पृथ्वी सुब्वा गुरुङ लगायतले व्रेक लगाईदिएपछि उनी अहिले बन्न लागेको समिकरण भत्कन पुगेकोमा चिन्त्ति देखिन थालेका छन् ।

पौडेलले पार्टीभित्र आफु भन्दा वरियतामा माथिल्लो स्तरमा रहेका पोखरेललाई पार्टी जिम्मेवारीमा ल्याउने, गृहमन्त्री रामवहादुर थापालाई पनि सरकारबाट    बाहिर ल्याउने गरी रणनीति बनाउन लागेका थिए ।

पोखरेलले पनि पार्टी महासचिव पाए आफु सरकारबाट  बाहिर आउन तयार रहेको सन्देश पौडेल निकट मार्फत विष्णु पौडेलसम्म पु¥याएका थिए । तर पौडेलको योजनामा ओलीका विश्वासप्रप्त नेता शंकर पोखरेलले व्रेक लगाईदिएको ओली निकट एक नेताले बताए ।

पार्टीभित्र प्रधानमन्त्री ओली, अध्यक्ष प्रचण्ड र वरिष्ठ नेता माधव नेपालका आ-आफना समुह छन् । पछिल्ला दिनमा प्रचण्ड र नेपालका वीचमा हिमचिम  बढदो देखेपछि ओली निकट नेताहरुमा पनि बलियो उत्तराधिकारीको खोजी शुरु भएको निकट नेताहरुको भनाई छ । 

प्रतिक्रिया दिनुहोस