Safal Khabar - प्रहरीको छबिमा आँच आउने क्रियाकलाप नगर्न विश्वराज पोखरेलको आग्रह
सोमबार, २९ असार २०७७ (Monday, 13 July, 2020)
विस्तृतमा हेर्नुहोस् »
प्रहरीको छबिमा आँच आउने क्रियाकलाप नगर्न विश्वराज पोखरेलको आग्रह
मङ्गलबार, २९ पुष २०७६, १९ : ४६
प्रहरीको  छबिमा आँच आउने क्रियाकलाप नगर्न  विश्वराज पोखरेलको आग्रह

काठमाडौँ । महानगरीय प्रहरी कार्यालयका प्रमुख डीआईजी विश्वराज पोखरेलले संगठनको गरिमा प्रहरी कर्मचारीको छबिमा जोडिएको भन्दै  संगठनलाई आँच आउने कुनै पनि अमर्यादित वा अवान्छित क्रियाकलाप नगर्न आग्रह गरेका छन्। 

महानगरीय प्रहरी परिसर भक्तपुरको निरीक्षण तथा निर्देशन गर्दै डीआईजी पोखरेलले यस्तो आग्रह गरेका हुन् । उनले प्रहरी सेवा प्रवाहको पहिलो कडी भनेको मिठो बोली बचन, शिष्ट नम्र व्यवहार भएको भन्दै  कानून कार्यान्वयनमा निर्दयिता अपनाई अपराध गर्नेलाई विना हिच्चकिचहावट हदैसम्मको कारवाही गर्न निर्देशन दिए । 

डिउटीमा खटिएको कुनै पनि कर्मचारीले आफ्नो डिउटी ईमान्दारीता पूर्वक निभाएको छ भने उसको मनोबल गिर्ने गरी कोहि कसैले कार्य गरेमा त्यस्तालाई कारवाही गर्ने पनि डीआईजी पोखरेलले चेतावनी समेत दिए । 

Yeti Diistillery

संगठनको १ जनाको गल्तीले संगठनकै शिर झुक्ने भन्दै उनले कुनै पनि लोभलालच त्यागी मर्यादित भएर फिल्डमा खटिन समेत निर्देशन दिए ।

प्रतिक्रिया दिनुहोस