नेकपाका कारण प्रतिनिधि सभा बैठक स्थगित

काठमाडौं । सत्तासिन पार्टी नेकपाले सभामुख चयन गर्न ढिलाई गरेपछि  प्रतिनिधि सभाको आज दिउँसो बोलाइएको बैठक सूचना टाँस गरेर स्थगित गरिएको छ ।

संसद बैठक दिउँसो १ बजेका लागि बोलाईएको थियो । बैठक पुस १६ गते बस्ने छ ।

सूचनामा भनिएको छ “आज मिति २०७६ साल पुस ११ गते शुक्रबार दिनको १ बजे बस्ने गरी निर्धारण गरिएको प्रतिनिधि सभाको बैठक विशेष कारणबश बस्न नसक्ने भएकाले नेपालको संविधनको धारा ९१ को उपधारा ४ बमोजिम प्रतिनिधिसभाको अध्यक्षता गर्नुहुने मानीनय उपसभामुख ज्यूले प्रतिनिधिसभा नियमावली २०७५ को नियम ६ को उपनियम  ३ बमोजिम अर्को बैठक मिति २०७६ साल पुस १६ गते बुधबार दिनको १ बजे बस्नेगरी निर्धारण गर्नुभएको व्यहोरा सदस्यहरुको जानकारीको लागि यो सूचना प्रकाशित गरिएको छ । ”