Safal Khabar - रवि लामिछानेसहित तिनै जनालाई तेस्रो पटक आज अदालत लगियो, बहस सुरु हुँदै
आइतबार, २९ भदौ २०७६ (Sunday, 15 September, 2019)
पत्रकार सालिकराम पुडासैनी आत्महत्या प्रकरण

रवि लामिछानेसहित तिनै जनालाई तेस्रो पटक आज अदालत लगियो, बहस सुरु हुँदै
आइतबार, ०८ भदौ २०७६, १२ : २४
रवि लामिछानेसहित तिनै जनालाई तेस्रो पटक आज अदालत लगियो, बहस सुरु हुँदै

चितवन । पत्रकार सालिकराम पुडासैनी आत्महत्या प्रकरणका आरोपी रवि लामिछाने, युवराज कंडेल र अस्मिता कार्की (रुकु) लाई आज आइतबार तेस्रो पटक अदालत लगिएको छ । सरकारी वकिलको कार्यालयबाट भर्खरै तिनै जनालाई अदालत लगिएको हो ।
थुनछेक बहसका लागि उनीहरुलाई अदालत लगिए पनि बहस सुरु भइसकेको छैन । अदालतमा तिनै जनाको बकपत्र (बयान) लिएपछि बहस सुरु हुने स्रोतको भनाइ छ । बयान लिएर नभ्याएको खण्डमा आज बहस सुरु नै नहुन पनि सक्छ । सरकारी वकिलको कार्यालयले अभियोगपत्र अदालतमा पेश गरेको छैन । अभियोगपत्र पेश भई बहसपछि पूर्पक्षका लागि थुनामा पठाउने वा धरौटीमा रिहा गर्ने विषयमा आदेश आउन सक्छ ।
दस दिनअघि काठमाडौँबाट पक्राउ परेका लामिछाने, कँडेल र कार्कीलाई चितवन जिल्ला अदालतले सुरुमा पाँच दिन र त्यसपछि गत मंगलबार पुनः पाँच दिनको म्याद थप गरेको थियो । गत मंगलबार रवि लामिछाने र गत सोमबार युवराज कँडेल एवं अस्मिता कार्की (रुकु) को बयान लिइएको थियो । 
गएको साउन २० गते नारायणगढमा रहेको होटल कंगारुमा पत्रकार पुडासैनी झुण्डिएको अवस्थामा मृत फेला परेका थिए । पत्रकार पुुडासैनीले मर्नुअघि आफ्नै आवाजमा रेकर्ड गरेको सुसाइट भिडियो नोटमा रवि, युवराज र अस्मिताको नाम लिएपछि उनीहरु पक्राउ परेका थिए ।

प्रतिक्रिया दिनुहोस